Gündəm
6 iş üzrə 1470,7 manat məbləğində iddia
Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin əməkdaşları tərəfindən ölkə ərazisində ekoloji qanunvericiliyin tələblərinə riayət olunmasını yoxlamaq məqsədilə araşdırma aparılıb.
Mənzil oğrusunun digər cinayətləri açıldı
Oğurluq etməkdə şübhəli bilindiyinə görə tutulan şəxs əlavə olaraq daha 2 evdən və 1 avtomobildən oğurluq etməsi də müəyyən edilib. Daxili İşlər Nazirliyinin (DİN) mətbuat xidmətindən “Olaylar”a verilən məlumata görə, oğurluq etməkdə şübhəli bilindiyinə görə tutulan Əli Əsgərlinin ətrafında Xəzər rayon Polis İdarəsinin 1-ci polis bölməsi əməkdaşları tərəfindən aparılan əməliyyat tədbirləri ilə onun cari ilin yanvar-mart ayları ərzində 2 evdən və 1 avtomobildən ümumilikdə 500 manat, 300 metr elektrik naqili və məişət əşyaları oğurlaması da müəyyən edilib.
Deputat sakinləri kənddən çıxarmaq istəyir?
Bəzi KİV-lərdə Şamaxı şəhəri Cəlil Məmmədquluzadə 21 üvanında yaşayan Cəbrayılov Ağamikayıl Oruc oğlunun Sabirabad rayon Nizami kənd orta məktəbində müəllim işləyən oğlu Cəbrayılov Kazım və qardaşı, yenə kənddə müəllim işləyən Cəbrayılov Şahlar Oruc oğlunun qanunsuz həbs olunması ilə bağlı məlumatlar yayılıb. Şikayətçilər bildirib ki, hər iki müəllimi Sabirabad rayonundan deputat Rüstəm Xəlilov və onun qardaşı, hazırda Ədliyyə Nazirliyi Penitensiar Xidmətdə Təsərrüfat İdarəsinin rəisi, ədliyyə polkovniki Ağəli Xəlilov həbs etdirib.
10 nəfər ədliyyə orqanlarından xaric edilib
Bu ilin birinci yarısında 10 nəfər ədliyyə orqanlarından xaric olunub. “Olaylar” xəbər verir ki, bu barədə məlumat Penitensiar Xidmətin 2017-ci ilin birinci yarısının yekunlarına həsr olunan hesabatında əksini tapıb. Belə ki, keçirilmiş axtarış-baxış tədbirləri nəticəsində hesabat dövründə 72 mobil telefon, 79,343 qram müxtəlif narkotik və psixotrop maddələr, 58 litr qıcqırdılmış maye aşkarlanaraq götürülüb.
Peskov: "Lapşinin Rusiyaya ekstradisiyasını nəzərdən keçirmirik"
Bloqer Aleksandr Lapşinin Rusiyaya ekstradisiya olunması rəsmi Kremlin nəzərdən keçirdiyi mövzulardan deyil. Bu barədə Rusiya prezidentinin mətbuat katibi Dmitri Peskov deyib. “Bu, Kremlin mövzusu deyil”, - deyə D. Peskov bildirib. A. Lapşinin vəkili Eduard Çurkin onun Rusiyaya ekstradisiya olunmasını istisna etməyib.
Əfqanıstanda "Taliban"ın hücumu nəticəsində hüquq-mühafizə orqanlarının 16 əməkdaşı ölüb
Əfqanıstanda “Taliban” döyüşçülərinin hücumu nəticəsində hüquq-mühafizə orqanlarının 16 əməkdaşı ölüb, 7 nəfər yaralanıb. Ölənlərin 10-u hərbçi, 6-sı isə polis olub.
Prezident jurnalistlər üçün tikilmiş yaşayış binasının açılışında iştirak edib
142 illik şərəfli bir yola malik olan Milli Mətbuatımız daha bir yaşını xoş anlarla, sevincli xatirələrlə başa vurur. Belə ki, kütləvi informasiya vasitələrinin təmsilçiləri üçün daha bir çoxmərtəbəli yaşayış binası istifadəyə verilir. Məlumat üçün qeyd edək ki, Milli Mətbuatımızın yaranmasının 135 illiyi ərəfəsində, Azərbaycan Mətbuat Şurasının binasının açılış mərasimi zamanı sözügedən media qurumunun rəhbərliyi dövlət başçısı ilə görüşdə jurnalistlərin sosial-mənzil şəraitinin yaxşılaşdırılması istiqamətində müəyyən tədbirlərin görülməsini ölkə başçısından xahiş etmişdilər.
Küveyt İranın 15 diplomatını qovdu
Körfəz ölkəsi Küveyt İran ilə diplomatik əlaqəsində "yeni konkret addımlar" atmağa qərar verib
Danimarka sakini İstanbulda terror aktına yardım etməkdə şübhəli bilinərək həbs olunub
Danimarka məhkəməsi 2017-cı il yanvarın 1-nə keçən gecə İstanbulun gecə klubunda baş verən terror aktı törətməyə yardım göstərməkdə şübhəli bilinən Veyle şəhər sakinini dörd həftə müddətinə həbs edib.
“Qarabağ” - “Şerif” matçının vaxtı müəyyənləşdi
UEFA Çempionlar Liqasının III təsnifat mərhələsində keçiriləcək "Qarabağ" - "Şerif" matçının vaxtı müəyyənləşib. Ağdam təmsilçisi Moldova çempionunu iyulun 25-də qəbul edəcək. Tofiq Bəhramov adına Respublika stadionunda baş tutacaq oyun saat 21:00-da start götürəcək.
Hava günəşli olacaq
İyulun 21-də Bakı və Abşeron yarımadasında hava günəşli olacaq. Şimal-şərq, şərq küləyi əsəcək. ETSN-dən verilən məlumata görə, havanın temperaturunun gecə 22-26° isti, gündüz 35-38°, bəzi yerlərdə 40° isti, Bakıda gecə 23-25° isti, gündüz 36-38° isti olacağı gözlənilir.
Ən çox dinlənilən mahnıya bu ölkə QADAĞA qoydu - VİDEO
Dünya çapında ən çox dinlənilərək rekord qıran “Despakito” mahnısının yayımı Malaziyada qadağan edilib. Puerto-Rikolu müğənni Luis Daddy Yanke və Castin Biberin ifa etdiyi, dünyada 4.6 milyard insan tərəfindən dinlənən mahnı Malaziyadakı müsəlmanların şikayətləri üzərinə ölkənin radio və televiziya kanallarında qadağan edilib.
Natavan və Səidin oğlan toyunda nələr oldu?
Xəbər verdiyimiz kimi, müğənni Natavan Həbibi ilə reper Səid Əliyevin (Dado) oğlan toyu olub. Şəhər restoranlarından birində baş tutan gecəyə çox az sayda sənət adamı dəvət olunub. Müğənni Səidə Sultan da rəfiqəsini özəl günündə tək qoymayıb.
Almaniyadan kritik Türkiyə AÇIQLAMASI
Almaniya xarici işlər naziri Siqmar Qabriel bu gün təşkil etdiyi mətbuat konfransında Büyükadada nəzarətə alınan 6 almaniyalı fəalın həbs olunması qərarı haqda danışıb. Qabriel həbslərin "əvvəlcədən planlaşdırılmış" olduğunu iddia edib.
İlham Əliyev: "Azərbaycanda söz azadlığı, mətbuat azadlığı imkan verməyəcək ki, məmurlar hansısa qüsurlar buraxsınlar"
"Azərbaycanda söz azadlığı, mətbuat azadlığı imkan verməyəcək ki, məmurlar hansısa qüsurlar buraxsınlar". Bunu Prezident İlham Əliyev iyulun 20-də jurnalistlər üçün tikilmiş növbəti binada Milli Mətbuat Günü münasibətilə mənzillərin paylanması mərasimində çıxışı zamanı deyib.