Gündəm
Alimlər: Krossvord həll etmək insanı arıqladır
Alimlər krossvord həll etməyin insanı arıqlatdığını sübuta yetirib. Tədqiqat müəllifləri bunu artıq çəki problemi olan şəxslərə xoş xəbər kimi təqdim edir. Onların bildirdiyinə görə, arıqlamaq istəyən şəxsin fiziki işə həvəsi yoxdursa, o, özünü zehni əməyə verməlidir: krossvord həll etməli, pazl yığmalı və ya məntiqi tapşırıqlarla məşğul olmalıdır.
Növbəti “Galileo” peyk sistemi buraxılıb
“Ariane-5” raketdaşıyıcısı dekabrın 12-də Fransız Qvianasında (Cənubi Amerikada, Fransanın inzibati idarəçiliyində olan region) yerləşən Kuru kosmodromundan start götürüb. Raketdaşıyıcısının vəzifəsi hazırlanması ilə Avropa Kosmik Agentliyinin (European Space Agency, ESA) məşğul olduğu dörd qlobal “Galileo” naviqasiya peyk sistemini orbitə çıxarmaqdan ibarətdir.
“Microsoft” kvant hesablamaları üçün proqramlaşdırma dili təqdim edib
“Microsoft” şirkəti tərəfindən təqdim edilmiş “Quantum Development Kit” adlı hazırlama vasitələri paketinin pulsuz ilkin versiyasının köməyi ilə proqramçılar kvant hesablamaların imkanlarından istifadə edərək proqramlar yarada biləcəklər.
“Samsung” qurğuların enerji ilə dodurulması üçün “ağıllı” sviteri patentləşdirib
Cənubi Koreyanın "Samsung" şirkəti istifadəçilərə qurğuları enerji ilə doldurmağa imkan verəcək "ağıllı" sviter modeli üçün patent hüququ alıb. Şirkətin planlarına görə, cemper enerjini əl hərəkətlərindən hasil edəcək. Qollarda və geyimin ön hissəsində xüsusi ötürücülərin quraşdırılması nəzərdə tutulur.
Rusiya mətbuatı hansı aktyorumuzdan yazdı?
Xəbər verdiyimiz kimi ADGTT-nın aktyoru, Əməkdar artist Şövqi Hüseynov Rusiyanın Nijnevartovsk şəhərində keçirilən “Şimal görüşləri” V Beynəlxalq Teatr festivalında uğurla çıxış edərək “Nadir aktyor oyunu” nominasiyasında diploma layiq görülmüşdü. Olaylar.az bildirir ki, Festivalda ölkəmizi Patrik Züskindin “Kontrabas” monotamaşası ilə təmsil edən aktyorunuzn oyunu haqqında Rusiya mətbuatında bir neçə məqalə dərc edilib.
Həftəsonu 8 tamaşa nümayiş olunacaq - Gənc Tamaşaçılar Teatrında
Gənc Tamaşaçılar Teatrı dekabr ayının 15-də saat 14:00-da böyük mütəfəkkir M.F.Axundzadənin “Hekayəti-Xırs quldurbasan”, saat 19:00-da isə türk dünyasının ortaq qəhrəmanı “Koroğlu” dastanı əsasında hazırlanmış “Eşq-i Nigar” tamaşalarını nümayiş etdirəcəkdir. Olaylar.az bildirir ki, dekabrın 16-da axşam saat 19:00-da L.Nurenin “Mən gəldim qızlar”, 17-də isə saat 19:00-da D.Fo, P.Filipponun “İtalyansayağı xoşbəxtlik” komediyasını təqdim edəcəkdir.
“Goldmont Plus” arxitekturalı ilk birkristallı “Gemini Lake” sistemləri təqdim edilib
“Intel” şirkəti “Goldmont Plus” arxitekturası əsasında ilk birkristallı “Gemini Lake” sistemlərini təqdim edib. Onlar 14 nanometrlik texnoloji proses üzrə hazırlanan “Apollo Lake” həllini əvəzləməklə ucuz noutbuk, mini-fərdi kompüter və istilik ayırması (TDP) zəif prosessorlar tələb edən digər qurğularda istifadə olunacaq. Ümumilikdə 6 yeni çip nümayiş olunub: üç mobil və üç masaüstü həll. Sonuncu üçün “Pentium Silver J5005”, “Celeron J4105” və “Celeron J4005”, mobil qurğular üçün “Pentium Silver N5000”, “Celeron N4100” və “Celeron N4000” hazırlanıb.
Azərbaycan və Belaruslu opera ulduzları birgə çıxış edəcəklər
Dekabrın 23-də Azərbaycan Dövlət Akademik Opera və Balet Teatrında C.Verdinin "Trubadur" operasının tamaşası keçiriləcəkdir. Olaylar.az bildirir ki, Azərbaycan Dövlət Akademik Opera və Balet Teatrının rəhbərliyi bu tamaşada əsas rollardan birini - Qraf di Luna partiyasını ifa etmək üçün Teatrın öz yetirməsi, hazırda Almaniyanın Manhyem Milli Operasında çalışan istedadlı opera sənətçisi, Azərbaycanın Xalq artisti Əvəz Abdullayevi dəvət etmişdir. Almaniyada çalışmaqla bərabər mütəmadi olaraq həm də Avropanın bir sıra ölkələrində ən mötəbər teatrların səhnələrində çıxış edən Ə.Abdullayev doğma teatrını da unutmur, hər dəfə Bakıdan qastrol təklifi alarkən, onu böyük həvəslə qəbul edir.
“Azərbaycan klassik ədəbiyyatının səhnə həlli” mövzusunda mühazirə
Dekabrın 13-də Bilik Fondu “Mədəni maarifləndirmə” proqramı çərçivəsində Mədəniyyət və İncəsənət Universitetinin dosenti, əməkdar artist Məmməd Səfanın “Azərbaycan klassik ədəbiyyatının səhnə həlli” mövzusunda mühazirəsini təşkil edib. Olaylar.az bildirir ki, Bakı Dövlət İqtisadiyyat və Hümanitar Kollecində gerçəkləşən tədbiri Fondun İnformasiya təminatı sektorunun aparıcı məsləhətçisi Ramilə Qurbanlı giriş sözü ilə açaraq, “Mədəni maarifləndirmə” proqramı çərçivəsində həyata keçirilən layihələrdən danışıb, Fondun dəstəyi ilə Azərbaycan Dövlət Pedaqoji Universitetinin nəzdindəki Dövlət Pedaqoji Kollecində “Mizan” Tələbə Dram Dərnəyinin yaradılması zərurətini diqqətə çatdırıb.
Ekranın alt hissəsinə qurulmuş barmaq izi skaneri ilə təchiz edilmiş smartfon təqdim olunacaq
ABŞ-ın kompüter komponentləri istehsalçısı olan “Synaptics” şirkəti ekranın alt hissəsinə qurulmuş “Clear ID” barmaq izi skanerinin işlək prototipini yaradıb. Bu texnologiya ilə təchiz edilmiş ilk smartfon 2018-ci ilin yanvarında təqdim ediləcək.
"Bir günlük xəlifə" layihəsi
Dekabrın 13 - də Azərbaycan Dillər Universitetində “Bir günlük xəlifə” layihəsi həyata keçirilib. Olaylar.az bildirir ki, layihə çərçivəsində tələbələr gün ərzində universitetin rəhbər strukturlarını idarə edirlər. Həmin gün rəhbər vəzifələri icra edən tələbələrin qərarları tam hüquqi qüvvəyə malikdir. Vəzifələri tutan şəxslər icra etdikləri vəzifənin bir günlük əmək haqqını alacaqlar. Tələbələr universitetin rektoru, prorektorlar, fakültə dekanları da daxil olmaqla 32 rəhbər vəzifəni icra edirlər.
41 illik ailə həyatlarına bir məhkəmə ilə son qoyuldu
“Leyla və Məcnun” serialında “Ağ saqqalı dədə” obrazı ilə tanınan aktyor Köksal Engürlə həyat yoldaşı Jalə Engür 41 illik ailə həyatılarına son qoyublar. 63 yaşlı Jalə 71 yaşlı ərindən boşanmaq üçün məhkəməyə müraciət etmişdi. Tərəflər proses zamanı bir-birinə qarşı hər hansı maddi və mənəvi təzminat tələbi irəli sürməyiblər. Qarşılıqlı şəkildə razılaşaraq boşandıqlarını deyən Jalə və Köksalın 41 illik ailə həyatı mübahisəsiz bitib.
Akademik Milli Dram Teatrında premyera
Dekabrın 14-də Akademik Milli Dram Teatrında “Qətibə İnanc” tamaşasının premyerası keçiriləcək. Teatrın mətbuat xidmətindən Olaylar.az - a verilən məlumata görə, iki hissəli səhnə əsəri görkəmli Azərbaycan yazıçısı Məmməd Səid Ordubadinin “Qılınc və qələm” romanının motivləri əsasında Çingiz Ələsgərli tərəfindən yeni səhnə versiyasında işlənib. Tamaşanın quruluşçu rejissoru xalq artisti Mərahim Fərzəlibəyov, quruluşçu rəssamı əməkdar mədəniyyət işçisi İlham Elxanoğlu, musiqi tərtibatçısı Kamil İsmayılov, rejissor assistenti Vüqar Məmmədovdur.
Davada iştirak edən və hakimləri söyən futbolçularla bağlı sərt qərar
AFFA İntizam Komitəsinin bu gün keçirilən iclasında Gənclər Liqasının qalmaqallı "Kəpəz" - "Neftçi" matçı ilə bağlı qərarlar verilib. İK 3 futbolçunu diskvalifikasiya edib.
.jpg)
Musiqili Teatrda Əməkdar artist Zemfira Quliyevanın 80 illiyi
Azərbaycan Dövlət Musiqili Teatrının özünəməxsus ifa tərzi ilə yaddaşlarda iz qoyan mərhum aktrisası Zemfira Quliyevanın bu il 80 yaşı tamam olur. Qurumun Mətbuat xidmətindən Olaylar.az - a bildirilib ki, Dövlət Musiqili Teatrında 80 illik yubileyi münasibəti ilə Zemfira Quliyevanın xatirəsi anılacaq. Belə ki, dekabrın 17 - də dahi Üzeyir Hacıbəylinin dünya şöhrətli “Arşın mal alan” iki hissəli operettasının növbəti nümayişi mərhum aktirisanın 80 illiyinə həsr olunacaq. Tamaşaçıların xatirəsində işıqlı iz qoyan Azərbaycan Respublikasının Əməkdar artisti Zemfira Quliyeva vaxtı ilə bu ölməz səhnə əsərində Gülçöhrə obrazını canlandırıb.