Dünya
“Apple” smartfonları elektron SİM kartlarla təchiz ediləcək
Elektron SİM kartların “iPad” və bir sıra “Əşyalar interneti” qurğularında istifadə olunmasına baxmayaraq “iPhone” smartfonları indiyədək onlarla təchiz edilməyib. “IHS” analitik şirkəti isə 2019-cu ilədək “Apple” smartfon modellərində “e-SIM”-lərin quraşdırılacağını açıqlayıb.
Köhnə televizorlarda “YouTube”un dəstəklənməsi dayandırılacaq
İyunun 30-dan etibarən 2012-ci ildə buraxılan və ya daha əvvəl istehsal olunan televizorlarda “YouTube” əlavəsinin dəstəklənməsi dayandırılacaq. Bu barədə “YouTube” servisinin texniki dəstək saytında dərc edilən məlumatda deyilir.
"Kardeşim benim 2" təxirə salındı? - Murad və Aslıya görə
Müğənni Murad Boz jurnalistlərin suallarını cavablandırıb. O, yay planlarından danışıb: "Yayda filmə çəkiləcəyəm. "Kardeşim benim 2"dən sonra istirahət edəcəyəm". O, filmdə yeni ayrıldığı sevgilisi Aslı Enverin olub-olmayacağı barədə suallara belə cavab verib: "Onu bilmirəm, filmin prodüserindən soruşun". Şayiələrə görə, Aslı "Murad varsa, mən yoxam" dedikdən sonra filmin çəkilişləri təxirə salınmışdı.
“Windows 10 Mobile” üçün “Fluent Design System” sistemi hazırlanır
“Microsoft” korporasiyası “Build 2017” konfransında “Fluent Design System” sisteminin dizaynını nümayiş etdirərək yeniliyin tədricən tətbiq ediləcəyini və onun ilk elementlərinin bir neçə həftə sonra hiss olunacağını açıqlayıb. Korporasiya əsas funksiyaları qeyd edərək fərdi kompüter və planşetlər, “Xbox” oyun qurğusu və “HoloLens” əlavə reallıq eynəyi üçün “FDS” interfeysini təqdim edib. Daha sonra isə yeniliyin “Universal Windows Platform” platforması sayəsində “Windows 10 Mobile” əməliyyat sistemində quraşdırılacağı məlum olub. Bu isə o deməkdir ki, “FDS” interfeysli universal əlavələr fərdi kompüterlərdə olduğu kimi, smartfonlarda da göstəriləcək.
“Google Play” mağazasında saxta əlavələrin sayı azalacaq
Mayın əvvəlində “Google” hesab sahibləri nəticələri indiyədək hiss olunan kütləvi fişinq hücumuna məruz qaldıqdan sonra şirkət servislərin, o cümlədən “Google Play” əlavələr mağazasının fəaliyyəti ilə bağlı həyata keçirilən siyasətdə bir sıra dəyişikliklər edib. ABŞ şirkəti istifadəçiləri maksimum fişinq funksiyalı saxta məhsullardan qorumaq üçün eyniadlı saxta proqramların mövcudluğuna son qoymaq qərarına gəlib. Buna səbəb son fişinq hücumunda təhlükəsizlik sistemində əhəmiyyətli çatışmazlıq kimi qiymətləndirilən “Google” sözündən istifadə olub.
Təhlükəsizlik kamerası öz sahibini və ev heyvanlarını "tanıyır"
“Android” mobil əməliyyat sisteminin yaradıcısı Endi Rubi tərəfindən maliyyələşdirilən “Lighthouse” startapının məhsulu olan təhlükəsizlik kamerası insan və ev heyvanlarının sifətini tanıya bilir. "3D görüntü" texnologiyası sayəsində qurğu evə kimin daxil olduğu və nə etdiyini müəyyənləşdirir.
Yeni akkumulyator 5 dəqiqə ərzində enerji ilə doldurulur
“StoreDot” şirkəti tərəfindən hazırlanmış texnologiya bir neçə dəqiqə ərzində elektrik avtomobilinin akkumulyatorunun şarjını tamamilə doldurmağa imkan verir. Şirkət tərəfindən patentləşdirilmiş həllər belə enerjidoldurma sürətini təmin edir.
“Apple Watch” qol saatı və neyron şəbəkələri insult riskini 97% dəqiqliklə müəyyənləşdirəcək
“Apple Watch” smart saatları neyron şəbəkələri ilə vəhdətdə ürək-damar sistemi xəstəliyinin simptomlarını 97% dəqiqliklə müəyyənləşdirmək qabiliyyətinə malikdir. Kaliforniya Universitetinin kardioloqları belə qənaətə gəliblər.
İngiltərədə 22 yaşlı bloger 150 ölkəyə zərər vuran virusu dayandırdı
İngiltərədə yaşayan 22 yaşlı bloger, həm də kiber təhlükəsizlik şirkətinin əməkdaşıdır. Təsadüf nəticəsində 150-dən çox ölkənin sistemlərini məhv edən virusun qarşısını alan gənc BBC-yə açıqlama verib. Sosial şəbəkələrdə və bloqunda "Malwaretech" adını istifadə edən gənc xüsusi kod vasitəsilə (İstifadəçilərin internet bağlantısını avtomatik olaraq əngəllədiyi bir xüsusiyyət) qısa müddətliyinə də olsa, virusun yayılmasının qarşısını alıb.
Azərbaycanda "təhsil alan" həkimin qurbanı olan qızdan xəbər var
Ötən həftə Türkiyənin Adana bölgəsində özünü həkim kimi tanıdan saç ustasının qurbanı olan Merve Keleş adlı qadın yaxşılaşmağa başlayıb.
Ruhaninin əsas rəqiblərindən biri namizədliyini geri götürdü
Prezident seçkilərində Həsən Ruhaninin əsas rəqiblərindən olan İslam İnqilabı Qüvvələri Cəbhəsindən prezidentliyə namizəd, Tehran şəhərinin meri Məhəmməd Baqir Qalibaf mühafizəkar cəbhədən olan digər namizəd İbrahim Rəisinin xeyrinə namizədliyini geri götürüb.
Ermənistanda hakim həbs olunub
Ermənistanda rüşvət almaqda şübhəli bilinən hakim həbs olunub. Ermənistan Xüsusi İstintaq Xidmətinin məlumatında bildirilir ki, Vayotsdzor və Ararat vilayət məhkəmələrinin hakimi Levon Arazyan mayın 11-də rüşvət aldıqdan sonra Milli Təhlükəsizlik Xidməti əməkdaşları tərəfindən həbs olunub.
Türkiyənin bu silahı Yunanıstanı ŞOKA SALDI - VİDEO
Türkiyənin Sinopda həyata keçirdiyi uzun mənzilli BORA raket sınaqları Yunanıstanda ciddi narahatlıq yaradıb. Yunanıstan mediası Türkiyənin BORA ballistik raketi ilə paytaxt Afinanı vura biləcəyini iddia edib.
Ermənistanda əsgər yoldaşını güllələyən hərbçi həbs olundu
Ermənistanda əsgər yoldaşını qətlə yetirən hərbçi saxlanılıb. Ermənistan İstintaq Komitəsinin məlumatında bildirilir ki, 1997-ci il təvəllüdlü Arman Akopyan kiçik çavuş Qaqik Mesropyanı qətlə yetirməkdə şübhəli bilinir. Məhkəmə onun barəsində həbs qətimkan tədbiri seçib.
Məscidə hücum: ölənlər var - Nigeriyada
Nigeriyanın mərkəzində Bala Elkana ştatında məscidə hücum baş verib. Hücum nəticəsində 20 fermer həlak olub. Məlumatda qeyd olunur ki, insident qəbilələrarası münaqişə ilə əlaqədar baş verib. Silahlı hücum dini mərasim zamanı qeyd alınıb.














