Dünya

Helikopter qəzaya uğradı

2 İyul 2017 10:46

Türkiyənin qərbində yanğınsöndürən helikopteri su anbarı yaxınlığında qəzaya uğrayıb. Helikopter İzmirdə meşə yanğınlarının söndürülməsi əməliyyatı çərçivəsində su çəni dolduran zaman qəzaya uğrayıb.

PKK-nın 23 üzvü zərərsizləşdirildi

2 İyul 2017 10:43

Türkiyədə keçirilən antiterror əməliyyatları çərçivəsində ölkənin cənub-şərqindəki Siirt vilayətində iyunun 12-dən bu günə kimi PKK-nın 23 terrorçusu zərərsizləşdirilib. Bununla bağlı vilayət rəhbərliyi məlumat yayıb. Xəbərdə qeyd olunur ki, "F-16" təyyarələri ilə Herekol dağları ərazisinə endirilmiş zərbə nəticəsində 9 terrorçu məhv edilib. Onların mövqeləri kəşfiyyatçı Pilotsuz Uçuş Aparatı ilə müəyyən edilib.

Yəməndə vəba epidemiyası

2 İyul 2017 10:38

 Ümumdünya Səhiyyə Təşkilatının (ÜST) Yəməndəki nümayəndəsi Neqio Zaqaria bu ölkədə vəba epidemiyasının 1500 nəfərin həyatına son qoyduğunu bildirib. Dünya Bankının YUNİSEF-lə birllikdə keçirdiyi konfransında çıxış edən Zaqarianın sözlərinə görə, hazırda ölkədə 264 min vəbaya yoluxma qeydə alınıb. Bundan əvvəl Ümumdünya Səhiyyə Təşkilatının Yəməndə fövqəladə hallar üzrə baş məsləhətçisi Əhməd Zuiten epidemiyanın ölkədə 1400 nəfərdən çox insanın həyatına son qoyduğunu xəbər verib. Onun sözlərinə görə, Yəməndə iki ildən arrtıq davam edən aktiv hərbi əməliyyatlar səbəbindən ölkədəki infrastrukrutun dağılması ölkədə vəba epidemiyasının yaranmasına şərait yaradıb.

Qətər ərəb ölkələrinin tələblərini rədd etdi

1 İyul 2017 21:50

“Qətər hakimiyyəti əmirliklə münasibətlərin bərpası üçün ərəb ölkələri tərəfindən irəli sürülmüş tələblərin siyahısını rədd edir”. Bu haqda Qətərin xarici işlər naziri Şeyx Məhəmməd bin Əbdülrəhman Əl-Təni deyib. “Biz tələblərin siyahısını rədd edirik və uyğun şərtlərlə dialoqa hazırıq”, - o bildirib. Onun sözlərinə görə, tələblərin hədəfi Qətər üzərində nəzarət mexanizminin qurulmasına yönəlib və beynəlxalq hüquqa ziddir. Nazir ultimatumlardan qorxmadığını və tələblərin yerinə yetirilməsi üçün verilən müddətin bitməsindən sonra istənilən mənfi nəticələrə qarşı durmağa hazır olduğunu vurğulayıb. “Blokadada iştirak edən ölkələr tərəfindən qəbul edilmiş ölçülər kollektiv cəzadır. Beləliklə, tələblərin siyahısı onların rədd edilməsi üçün formalaşdırılıb”, - diplomat əmindir.

Putin Moskvanın sökülməsinə göstəriş verdi

1 İyul 2017 21:37

Rusiya prezidenti Vladimir Putin "Xruşovka" layihəli binaların sökülməsi və sakinlərinin yeni binalara köçürülməsini nəzərdə tutan qanunu imzalayıb. Sənəd rəsmi internet portalında dərc olunub. Federasiya Şurasında iyunun 28-də qəbul edilən qanun layihəsini 147 senator dəstəkləyib. Sənədə görə, sökülməsi nəzərdə tutulan binalar doqquz mərtəbədən yuxarı deyil.

17 nəfər  yaralandı

1 İyul 2017 19:57

ABŞ-ın Arkanzas ştatında gecə klubunda atışma baş verib. “Foks Nyus”telekanalı polisə istinadən ən azı 17 nəfərin yaralandığını bildirib. Onlardan birinin vəziyyəti kritikdir. KİV-in məlumatına görə, zərərçəkənlərdən ən kiçiyinin 16 yaşı var.

ABŞ Konqresində Rusiya ilə bağlı YENİ QANUN

1 İyul 2017 19:55

ABŞ Konqresində Amerika hərbi qulluqçularının sosial şəbəkələrdə “Rusiya təbliğatından” müdafiəsi haqqında qanun layihəsinə baxılacaq. Bu təşəbbüslə Demokratlar Partiyasından olan senator Elizabet Uorren çıxış edib. Publika.az

Bağdadi öldürülüb? - İŞİD-dən REAKSİYA

1 İyul 2017 16:54

İŞİD-in səlahiyyətli şəxsləri arasında yer alan Əbu Kuteybənin dünənki cümə xütbəsində təşkilatın lideri Bağdadidən bəhs edərək ağladığı açıqlanıb. Ölgədəki yerli bir xəbər qaynaqları Əbu Kuteybənin bu davranışını “Bağdadinin arxasınca tökülən göz yaşı” adlandırıblar.

Azərbaycanlılar bayram etdilər

1 İyul 2017 16:32

Suriyada Bəşər Əsədə qarşı olan müxalif qrupların arasında döyüşən azərbaycanlılar iftar süfrəsi verib. Sosial şəbəkələrdə yayılan fotolarda “Azərbaycanlı Müsəlmanlardan Suriya Xalqına Yardım” kampaniyasının keçirildiyi görünür. Yardım kampaniyası müxaliflərin əlində olan İdlib şəhərində keçirilib.

Aviareyslər təxirə salındı

1 İyul 2017 16:30

Rusiyanın paytaxtında güclü külək və intensiz leysan yağışları hava limanlarında reyslərin qrafikində dəyişikliklərə səbəb olub. Kəskin hava şəraitinə görə paytaxtın hava limanlarında 300-dən çox aviareys təxirə salınıb. Rusiyanın Domodedovo aeroportunda 53, Şeremetyevoda 284, Vnukovoda isə 11 aviareys təxirə salınıb.

Pilotsuz uçan aparatlar üçün “GPS”-dən istifadə etməyən sistem yaradılıb

30 İyun 2017 20:04

"GPS" sistemləri koordinatların əldə edilməsi üçün ən geniş yayılmış və dəqiq mənbələrdən biridir. Onlardan hər yerdə, o cümlədən pilotsuz uçan aparatlarda istifadə edilir. Lakin indiyədək peyk naviqasiya sistemlərinin meşə, tunel, mağara və s. kimi işləmədiyi yerlər mövcuddur. Məhz buna görə "NVIDIA" şirkətinin tədqiqatçıları robotların naviqasiyası üçün "GPS"-dən asılı olmayan sistem variantı hazırlamaq qərarına gəliblər.

“Viber” messencerində yeni funksiyalar istifadəyə verilib

30 İyun 2017 19:55

“Viber” messencerinin tərtibatçıları istifadəçilərə yazışma zamanı kənar xidmətlərə sürətli giriş imkanı verən çatlar üçün genişlənmələrin tam yeniləməsini elan ediblər. Bu funksiya ilk dəfə hələ 2016-cı ilin dekabrında istifadəyə verilib. “Viber” messencerinin 800 milyondan çox istifadəçisi çatlar üçün genişlənmələrin köməyi ilə çatın pəncərəsini tərk etmədən başqa şirkətlərin məzmun və xidmətlərini axtara və paylaşa bilərlər. Tərtibatçılar son yeniləmədə “Viber” messencerinə inteqrasiya edilmiş böyük servislərin sayını artırıblar.