Dünya
Türkiyə ordusu sərhədi keçdi
Türkiyə Silahlı Qüvvələrinə məxsus hərbi texnika Cilvegözü sərhəd keçid məntəqəsindən Suriyaya keçib. Hərbi texnika İdlibə hərəkət etmədən əvvəl aralıq zonada saxlanılır. Xatırladaq ki, Astanada keçirilən son toplantıda Rusiya, İran və Türkiyə “Əl-Qaidə” qruplarının nəzarəti altında olan İdlibdə dördüncü təhlükəsiz zonanın sərhədləri barəsində razılığa gəlib. Müqavilə haqqında məlumat verən mənbələrin sözlərinə görə, İdlib 3 hissəyə bölünəcək və vilayətin qərbi Ankaranın nəzarəti altında olacaq.
"Lütfizadənin cənazəsinin Bakıya gətirilməsi 7-10 gün çəkə bilər"
"Mən Amerikadan bu gün gəlmişəm. İki gün əvvəl Los-Ancelesdəki konsulluğumuzdan mənə dedilər ki, Lütfizadənin cənazəsinin Bakıya gətirilməsi 7-10 gün çəkə bilər". Bunu dünya şöhrətli alim Lütfizadənin yaxın qohumu, xalq artisti, rejissor Cənnət Səlimova deyib. Onun sözlərinə görə, alimin cənazəsinin gətirilməsi sənədləşmə məsələsində görə ləngiyir:
Dünyanın ən varlı qadını dünyasını dəyişdi
"L'Oreal" korporasiyasının şəriki və Amerikanın "Forbes" jurnalının versiyasına görə dünyanın ən zəngin qadını olan Lilian Bettankur 94 yaşında vəfat edib. Bu barədə cümə axşamı "Franc-Press" məlumat yayıb.
Terror təşkilatı Suriyada seçkilər keçirəcək
PYD (PKK terror təşkilatının Suriya qanadı, kürdlərin özləri tərəfindən “Demokratik İttifaq” Partiyası adlandırılır - red.) Dəməşqin etirazına baxmayaraq, sentyabrın 22-də bələdiyyə seçkiləri keçirəcək. Bu haqda PYD-nin lideri Saleh Müslüm bildirib. Suriyanın şimalında kürdlər tərəfindən elan edilmiş federativ regionda bələdiyyə seçkilərindən sonra - noyabrda yerli şuralara, 2018-ci ilin yanvar ayında isə yerli “parlament”ə seçkilərin keçirilməsi nəzərdə tutulur.
Mobil qurğular üçün 1 terabaytlıq sərt disk təqdim olunub
“Toshiba Electronics Europe GmbH” (TEE) şirkəti iritutumlu məlumatların etibarlı mühafizəsini tələb edən noutbuk, oyun sistemləri, kiçikqabaritli masaüstü fərdi kompüterlər (monobloklar), televiziya qurğuları və digər qurğularla uyğunluq təşkil edən 1 terabayt tutumlu “MQ04” seriyalı yeni sərt disk təqdim edib. Bir diskli “MQ04” seriyalı qurğular 1 terabaytlıq məlumatı saxlamağa imkan verir və 7 mm qalınlığında 2,5 düym diaqonallı kompakt form-faktor korpusunda buraxılır. “SATA 6Gb/s” interfeysi və 5400 dövr/dəq dövretmə tezliyi 128 meqabayt tutumlu böyük yaddaş və stabil axtarış vaxtı ilə birlikdə məlumatların daxili ötürmə sürətini əvvəlki 1 terabaytlıq “MQ01” seriyalı modellərlə müqayisədə 34 faiz artırır. Yeni model, həmçinin əvvəlki nəsil modellərlə müqayisədə daha aşağı səsə və çəkiyə malikdir.
“Apple” öz brauzerinin yeni versiyasını təqdim edib
Məlumatın toplanılmasına qarşı intellektual mühafizə sisteminə malik “Safari 11” brauzeri artıq “macOS Sierra” və “OS X El Capitan” sistemləri üçün əlçatandır. “Apple” öz brauzerinin yeni versiyasında aşağıdakı funksiyaları istifadəyə verib:
Ekspert: “Ödənişli antivirus proqramları faydasızdır”
“Mashable” internet resursunun eksperti Cek Mores “Avast”, “Kasperskiy” və “Dr.Web” kimi antiviruslara artıq müasir dünyada ehtiyac qalmadığını və aktuallığını itirdiyini açıqlayıb. Ekspert hesab edir ki, həmin antivirusların və onların analoqlarının dövrü həmişəlik bitmək üzrədir. Onun sözlərinə görə, istifadəçilər pullu antivirus proqramları əvəzinə əməliyyat sistemlərinə quraşdırılan antiviruslardan yararlana bilərlər. Məsələn, “Windows” əməliyyat sistemində zərərli saytlara çıxışı bağlayan “Defender” antivirus proqramı quraşdırılıb.
Səudiyyə Ərəbistanı hakimiyyəti “Skype” və başqa messencerlər vasitəsilə zənglərə qoyulmuş qadağanı ləğv edib
Səudiyyə Ərəbistanı hakimiyyəti "Skype", "WhatsApp", "Facebook Messenger", "Viber" və başqa analoji xidmətlər daxil olmaqla məşhur messencerlər vasitəsilə səsli və video zənglərə qoyulmuş qadağanı ləğv edib. Bu haqda "Reuters" xəbər agentliyi məlumat yayıb. Ökənin hakimiyyət orqanları messencerlərin monitorinqini həyata keçirəcək və qanunsuz məzmunu bloka salacaq. Kommunikasiya və informasiya texnologiyaları üzrə komissiyanın nümayəndəsi bildirib ki, istifadəçilər heç bir halda ölkə daxilində və ya xaricə monitorinqsiz və senzurasız zəng edə bilməyəcək.
Tarixdə ilk dəfə TRANS QADIN Oskara NAMİZƏDDİR
Çilidən olan aktrisa Daniela Veqa Oskar mükafatını qazanan ilk trans qadın ola bilər. 28 yaşındakı aktrisa Çili istehsalı olan “Fantastik qadın” filmindəki performansı ilə izləyiciləri heyran qoyub. Daniela filmdə də “Marina” adlı trans bir qadını canlandırır. “Variety” adlı dərgi Danielanın performansını yüksək qiymətləndirib.
Mansuryanın yerinə Fatih Terim
İranın “İstiqlal” futbol komandası baş məşqçi Əli Rza Mansuryanın istefa verməsindən sonra sürpriz təklif irəli sürüb. Klubun baş idarəçisi Rza İftixari Türkiyə milli komandasının keçmiş baş məşqçisi Fatih Terimi kluba dəvət edib. İdarəçi bu barədə, komandanın rəsmi internet saytında açıqlama verib:
Melaniya Trampın geyimi ETİRAZLA QARŞILANDI
ABŞ prezidenti Donald Trampın həyat yoldaşı Melaniya Trampın BMT-nin ümumi iclasındakı çıxışı zamanı geyindiyi paltar sosial mediada gündəm olub. Birinci xanımın geyindiyi 3000 dollar dəyərindəki geyim “Villi Vonka və Şokolad fabriki” filmindəki Delpozo obrazının geyiminə bənzədilib.
“Mardan Palas” ətrafında yeni problem – Satış dayandı
Azərbaycan əsilli rusiyalı iş adamı Telman İsmayılova məxsus Antalyadakı “Mardan Palas” (“Mardan Palace”) otel kompleksi artıq rəsmi saytı vasitəsi ilə onlayn otaq satışlarını dayandırıb. Bu barədə “Hürriyət” informasiya yayıb. Məlumata görə, otelin rezervasiya xəttinə və göndərilən sorğulara cavab verilmir. Saytda otaq sifariş etmək istədikdə isə axtarılan kriteriyalara uyğun nömrə olmaması barədə bildiriş ortaya çıxır. Dünyanın ən yaxşı oteli seçilən “Mardan Palas”ın saytı oteldə sentyabr və oktyabr aylarında qeydiyyatdan keçməyin mümkün olmadığını göstərir. Noyabr ayının göstərildiyi tarix isə sistem tərəfindən avtomatik ləğv olunur.
300 milyon uşağın həyatı təhlükədə
Bu gün UNICEF yeni hesabatda bildirib ki, dünyada yalnız 15 ölkənin valideynlərin öz azyaşlı uşaqlarının sağlam beyin inkişafını dəstəkləmək üçün ehtiyac duyduqları vaxt və resurslarla təmin edən üç əsas milli siyasətə sahibdir. Beş yaşadək dünya uşaqlarının hər səkkizindən birinin yaşadığı 32 ölkədə bu siyasətlərin heç biri mövcud deyil. Hər bir Uşaq üçün Erkən Anların Önəmi adlı hesabata əsasən, iki illik ödənişsiz məktəbəqədər təhsil, ilk altı ay boyunca ana südü ilə qidalandırma üçün ödənişli fasilələr və altı aylıq ödənişli analıq məzuniyyəti, o cümlədən dörd həftəlik ödənişli atalıq məzuniyyəti erkən uşaqlıq dövrünün optimal inkişafının təməlini qoyur. Bu siyasət sahələri valideynlərə öz uşaqlarını qorumaqda və uşaqların beyinlərinin bir daha təkrarlanmayacaq sürətlə inkişaf etdiyi həyatın ilk illərində onları daha yaxşı qidalanma, oyun və öyrənmə təcrübələri ilə təmin etməkdə kömək edir.
Günəş sistemində analoqu olmayan göy cismi kəşf edildi
Günəş sistemində Marsla Yupiter arasındakı asteroid qurşağında daha öncə bənzəri görünməmiş göy cisimləri kəşf edilib. Quyruqlu ulduza bənzəyən bu cisimlər bir-birinin ətrafında fırlanır. Göy cisimləri Almaniyanın Maks Plank Universitetin elm adamları tərəfindən tapılıb.
"Mariya" daha bir ölkəni cənginə aldı
Karib adaları və Porto Rikonu yerlə yeksan edən "Mariya" qasırğası yenidən 3-cü kateqoriya səviyyəsinə yüksəlib. Qasırğa hazırda Dominik Respublikasına doğru hərəkət edir. Qasırğa adanın şərq sahillərinə sel yağışı və şiddətli külək gətirib. Təbiət hadisəsi 115 km sürətlə adanın daxilinə doğru irəliləyir. Buna görə bölgədə okean suyunun səviyyəsi təhlükəli dərəcədə artıb.














