Dünya
Daha bir parlament fraksiyası Paşinyanı baş nazir görmək istəyir
Ermənistan Milli Yığıncağının (parlament) "Çıxış" fraksiyası Nikol Paşinyanın baş nazir postuna namizədliyini irəli sürüb. Məlumata görə, bunu fraksiyanın deputatı Edmon Marukyan "Facebook" səhifəsində yazıb.
.png)
Suriyanın hərbi bazası bombalandı: 38 nəfər ölüb - VİDEO
Suriyanın hərbi obyektlərinə raket zərbələri endirilib. Suriya ordusunun Hələb və Hama yaxınlığındakı mövqeləri zərbələrə məruz qalıb. Suriyada Bəşər Əsədə sadiq hərbçilərin və İran İnqilab Keşikçiləri Qvardiyası silahlılarının yerləşdiyi 47-ci hərbi bazanın raket atəşinə tutulması nəticəsində 38 nəfər ölüb, 57 nəfər yaralanıb.
Təyyarə qəzaya uğradı - Ölənlər var
Avstriyanın Tirol federal əyalətinin mərkəzi İnnsbruk şəhərinin beynəlxalq hava limanının ərazisində təyyarə qəzası baş verib. İsveçrədə uçuş lisenziyası almış kiçik təyyarədə (motoplan) olan hər iki şəxs qəza nəticəsində həlak olublar. Tirol əyalət polisindən mətbuata verilən məlumata görə, qəzanın səbəbləri və təyyarədəki hər iki şəxsin kimliyi naməlum olaraq qalır. İnnsbruk aeroportuna yanacaq doldurmaq üçün enən təyyarə təkrar havaya qalxdıqdan az sonra hava limanı ərazisində yerə çırpılıb.
Şimali Koreya Cənubla razılaşdı - Saatları çəkir
Koreya Xalq Demokratik Respublikası may ayının 5-də saatları 30 dəqiqə irəli çəkəcək. Buna səbəb Cənubi Koreya ilə eyni vaxtı təyin etməkdir.
Britaniyanın DİN rəhbəri vəzifəsindən istefa veridi
Britaniyanın daxili işlər naziri Ember Radd vəzifəsindən istefa verib. Məlumatı yayn "Sky News" bunu Daxili İşlər Nazirliyinin ölkədəki miqrantların deportasiya edilməsi qalmaqalı ilə əlaqələndirib.
