Fiko Rusiyadan qaz alışına qoyulan qadağaya qarşı Avropa Birliyi Məhkəməsində iddia qaldıracağını açıqladı - ÖZƏL
Slovakiya Respublikası Rusiya enerji məhsullarının idxalını qadağan edən qayda ilə bağlı Avropa Birliyi Ədalət Məhkəməsində iddia qaldırmaq niyyətindədir.
Bu barədə ölkənin Baş naziri Robert Fiko sosial şəbəkədə məlumat verib.
O qeyd edib ki, "Avropa Şurası və Avropa Parlamentinin 26 yanvar 2026-cı il tarixli Əsasnaməsi əsasən Rusiya qazı və neftinin idxalını dayandıracağımızı nəzərdə tutur".
Fiko vurğulayıb ki, Bratislavanın sənədin qəbul edilməsi proseduru ilə bağlı narahatlığı var.
"Biz əminik ki, bu halda sanksiya tədbirindən danışırıq", - deyə o bildirib və əlavə edib ki, bu cür qərarlar yekdilliklə qəbul edilməli, lakin ixtisaslı səs çoxluğu ilə təsdiqlənməlidir.
Baş nazir həmçinin qeyd edib ki, hökumət hadisəni Aİ müqavilələrində təsbit olunmuş prinsiplərin pozulması hesab edir. O qeyd edib ki, Slovakiya təkcə 27 aprel 2026-cı il tarixinə qədər iddia qaldırmaqla kifayətlənməyib, həm də müvəqqəti tədbirlər tələb etmək niyyətindədir, çünki işin həlli on səkkiz aydan üç ilə qədər vaxt apara bilər.
Fiko əlavə edib ki, məhkəmə prosesi Avropa İttifaqının gələcək fəaliyyəti üçün presedent yarada bilər.
"Avropa Birliyi Ədalət Məhkəməsi bu iş üzrə irəliləyiş və qətiyyətli rəy verə bilər", - deyə o bildirib.
Daha əvvəl Slovakiyanın ədliyyə naziri Boris Susko ölkənin Rusiya qazının idxalına qoyulan qadağaya qarşı Avropa Ədalət Məhkəməsində iddia qaldırmağı planlaşdırdığını açıqlamışdı.
İbrahim Məmmədli