Rutte ABŞ-ın Qrenlandiyaya müdaxiləsi ehtimalını şərh etməkdən imtina etdi- ÖZƏL 

NATO-nun baş katibi Mark Rutte ABŞ-ın Qrenlandiyaya hərbi müdaxiləsini real ehtimal hesab edib-etməməsi ilə bağlı sualı cavablandırmaqdan imtina edib. Olaylar.az xəbər verir ki, bu sual Davosda keçirilən Dünya İqtisadi Forumunda Avropa təhlükəsizliyi mövzusunda panel müzakirəsi zamanı verilib. Rutte bildirib ki, "NATO üzvləri arasında gərginlik olduqda, məsələn, Yunanıstan və Türkiyə arasında olduğu kimi, əvvəlki rəhbərlərim də eyni mövqeni tutublar - mən bunu açıq şəkildə şərh edə bilmərəm, çünki belə etsəm, vəziyyəti yumşaltmaq üzərində işləyə bilməyəcəm. Ona görə də siz mənim bu barədə şərhimi eşitməyəcəksiniz, amma əmin ola bilərsiniz ki, mən bu məsələ üzərində çalışıram".