FTB onun haqqında məlumat üçün 50 min dollar ödəyəcək

Federal Təhqiqat Bürosu (FTB) Rod-Aylend ştatının Providens şəhərindəki Braun Universitetində atəş açanın şəxsiyyətinin müəyyən edilməsinə və həbs olunmasına səbəb olan məlumat üçün 50.000 dollar mükafat təklif edir.

Olaylar.az xəbər verir ki, bunu FTB-nin sözçüsü Ted Doks mətbuat konfransında açıqlayıb: "Biz FTB-nin bu şəxsin şəxsiyyətinin müəyyən edilməsinə, həbs olunmasına və ittiham olunmasına səbəb olan məlumat üçün 50.000 dollar mükafat təklif etdiyini elan edirik".

Mətbuat konfransı zamanı hüquq-mühafizə orqanlarının əməkdaşları tünd rəngli geyim və qara cərrahi maska ​​​​taxan şübhəli atıcının yeni müşahidə görüntülərini nümayiş etdiriblər.

Qeyd edək ki, naməlum şəxsin Universitet tələbələrinə açdığı atəş nəticəsində 2 nəfər öldürülüb, 9 nəfər yaralanıb. (Musavat.com)