Bundestaq Leninin adını daşıyan küçələrin dəyişdirilməsini tələb edir- ÖZƏL

Almaniya Bundestaqının Sosialist Birləşmiş Partiyası  dövrünün repressiya qurbanları üzrə səlahiyyətlisi Evelin Cupke ölkədə hələ də Vladimir Lenin və keçmiş Almaniya Demokratik Respublikası (ADR) rəhbərlərinin adını daşıyan küçələrin adlarının dəyişdirilməsini tələb edib. Olaylar.az xəbər verir ki, Cupke "Bild" qəzetinə açıqlamasında bildirib ki, Almaniyanın yenidən birləşməsindən 35 il keçməsinə baxmayaraq, bu gün demokratik cəmiyyətin heç bir küçəsi Leninin, eləcə də ADR-in yüksək vəzifəli şəxsləri olan Otto Qrotevol və Vilhelm Pik kimi şəxslərin adını daşımamalıdır.
Onun sözlərinə görə, küçə adları bu günkü demokratik cəmiyyətin hörmət ifadəsidir və SEPG funksionerləri belə bir hörmətə layiq deyillər, çünki onlar minlərlə insanın əzabını təcəssüm etdirirlər.
Hazırda Şərqi Almaniyanın bir çox şəhərlərində Lenin və ADR dövrünün digər siyasi simalarının adlarını daşıyan küçələr qalmaqdadır. Hətta "Alman-Sovet Dostluğu" adlanan küçələr də mövcuddur. Bu adların dəyişdirilməsi məsələsi cəmiyyətdə ciddi müzakirələrə səbəb olur və bəzən məhkəmə çəkişmələri ilə nəticələnir. Məsələn, Saksoniya-Anhalt federal əyalətinin Yerixov şəhərində bu mövzu ətrafında məhkəmə prosesi də baş tutub. Həmin şəhərdə adların dəyişdirilməsinə qarşı çıxanlar sağçı "Almaniya üçün Alternativ" partiyasından siyasi dəstək alıb.