II Qaregin: “Hakimiyyətin anti-kilsə siyasəti ciddi narahatlıq doğurur” – ÖZƏL

Olaylar.az xəbər verir ki, bütün ermənilərin Katolikosu II Qaregin "Srbots Tarqmançats" kilsəsində çıxışı zamanı bildirib ki, hakimiyyətin anti-kilsə siyasəti dərin narahatlıq yaradır. Onun sözlərinə görə, Ermənistan və Erməni Kilsəsi ağır sınaqlardan keçir, Artsax ermənilərinin hüquqlarının müdafiəsi, Azərbaycanda saxlanılan ermənilərin azad olunması və mədəni irsin məhv edilməsi ilə bağlı məsələlər hələ də açıq qalır.

Katolikos vurğulayıb ki, çətinliklərlə mübarizədə xalqı birləşdirən əsas qüvvə kilsədir. "Kilsə sadəcə daş binadan ibarət deyil, inanan xalqımızın birliyidir. Kilsə - sizsiniz, əziz möminlər", - deyə o bildirib.

II Qaregin xalqın birliyi və inamı sayəsində bu sınaqların dəf olunacağına, kilsəyə qarşı yönəlmiş düşmənçilik cəhdlərinin isə nəticəsiz qalacağına ümid etdiyini qeyd edib.