Eçmiədzin yepiskop yığıncağı başa çatıb: İki yepiskop jurnalistlərin suallarından yayınıb – ÖZƏL

Olaylar.az xəbər verir ki, Eçmiədzində Müqəddəs Ana Taxt-tacında keçirilən Yepiskop Yığıncağı başa çatıb. İki yepiskop yığıncağı birinci tərk etsə də, jurnalistlərin suallarını cavablandırmaqdan imtina ediblər.

Yığıncaqdan birinci ayrılan Yepiskop Artak olub. O, jurnalistlərin suallarına cavab vermədən səssizcə uzaqlaşıb. Bir neçə dəqiqə sonra isə Yepiskop Daniel çıxıb. O da sualları cavablandırmaqdan yayınıb və yalnız bunları söyləyib: "Mənim deyəcək heç nəyim yoxdur. Mən Allaha inanıram və erməni xalqının və kilsəsinin sülhü üçün dua edirəm. Bu, deyəcəyim hər şeydir."

Cəmiyyətdə kilsədə parçalanmanın (yəni, ixtilafın) olduğuna dair fikirlər səsləndirilməsi və Yepiskop Arşakın səlahiyyətlərinə xitam verilməsi ilə bağlı nə düşündüyü barədə verilən suallara Yepiskop Daniel cavab verməyib.