NATO Baltikdə Rusiyaya qarşı əməliyyat hazırlayır ÖZƏL

Olaylar.az xəbər verir ki, NATO-nun Baltik dənizində keçirdiyi "Şimal Qvardiyası" əməliyyatı əslində Rusiyaya qarşı yönəlib. Bu barədə Almaniyanın Junge Welt nəşri yazır.

Məqalə müəllifləri qeyd edir ki, alyansın Baltik dənizində hərbi infrastrukturu genişləndirmək istəyi təhlükəsizlik bəhanəsi ilə ancaq anti-Rusiya xarakteri daşıyır.

"Görünən odur ki, NATO Baltik dənizi regionunda Rusiyaya qarşı xüsusi bir subqurum yaradır," - deyə məqalədə vurğulanır. Bildirilir ki, 2018-ci ildən fəaliyyət göstərən "Birgə Ekspedisiya Korpusu" Baltikdə kritik infrastrukturu daha yaxından izləyəcək.

Məqalədə qeyd olunur ki, "Şimal Qvardiyası" əməliyyatında gəmilərin izlənməsi və risklərin qiymətləndirilməsi üçün süni intellektdən istifadə edilir.

Polşanın Baş naziri Donald Tusk daha əvvəl NATO-nun Baltik dənizində hərbi mövcudluğunu radikal şəkildə artırmağı planlaşdırdığını bildirmişdi. O vurğulamışdı ki, alyansın üzv dövlətləri neytral sulara daxil olan gəmiləri nəzarət altında saxlamaq hüququnu özlərində saxlamaq istəyirlər.

NATO-nun Baltik dənizində mühüm obyektləri qorumaq üçün 10-a qədər gəmi göndərməyi planlaşdırdığı da xəbər verilir.