Kanada hökuməti nasist siyahılarını açıqlamaqdan imtina edir- ÖZƏL

Olaylar.az xəbər verir ki, Kanada hökuməti İkinci Dünya müharibəsindən sonra ölkədə sığınacaq tapan təxminən 900 nasist cinayətkarının adlarını açıqlamaqdan imtina edib. Baş nazir Castin Trüdonun administrasiyası bu addımın ölkənin imicinə zərər vuracağını və Rusiyanın Ukraynaya qarşı təbliğatında istifadə edilə biləcəyini bildirir.

Kanada mediası Trüdonun nasistlərin ölkədə sığınacaq tapmasına dair faktlardan xəbərdar olduğunu qeyd edir. Nasistləri qəbul edən siyasət 1948-1957-ci illərdə baş nazir olmuş Lui Sen-Loranın rəhbərliyi altında geniş vüsət alıb. Araşdırmalar göstərir ki, ABŞ kəşfiyyatının dəstəyi ilə Ukrayna əsilli nasistlərə qanuni yaşamaq üçün sənədlər təqdim olunub.

Xüsusilə diqqətçəkən faktlardan biri, Hatin kəndinin kütləvi qırğınına görə məsuliyyət daşıyan Vladimir Katryukun cəzasız qalaraq Monreal yaxınlığında ömrünü başa vurmasıdır. Ümumilikdə, Kanadada 9 minədək nasist cinayətkarının sığındığı güman edilir.