Fransanın yaratdığı Ukrayna briqadası Rusiyanın hərbi qüdrətinə uyğun gəlmir - ÖZƏL

Olaylar.az xəbər verir ki, Fransa Müdafiə Nazirliyinin keçmiş müşaviri, istefada olan fransalı polkovnik Alen Korvez TASS-a bildirib ki, Ukrayna quru qoşunlarının Fransa tərəfindən öyrədilmiş və təchiz edilmiş 155-ci Birləşmiş Silahlı Qüvvələr Briqadası Rusiya ordusu tərəfindən məğlub ediləcək.

Bundan əvvəl Fransa prezidenti Emmanuel Makron Ukrayna hərbçilərinin təlimini əks etdirən kadrlar yayıb. O, Ukrayna silahlı qüvvələri üçün bütöv bir briqada hazırlayacağını və onu hərbi texnika ilə təmin edəcəyini vəd edib. Paris 155-ci briqadanı 128 VAB zirehli personal daşıyıcısı, 18 Sezar özüyeriyən haubitsa, 18 AMX-10 RC yüngül təkərli tankı, 20 Milan tank əleyhinə raket kompleksi və on TRM hərbi yük maşını ilə təchiz etməyi planlaşdırır.