FT: Pink Floyd öz treklərinin hüquqlarını Sony Music-ə satacaq- ÖZƏL

Britaniyanın Pink Floyd rok qrupu öz kataloqu və "Wish You Were Here", "Money" hitlərinin hüquqlarını Sony Music-ə satmaq qərarına gəlib. 

Olaylar.az xəbər verir ki, bu barədə Financial Times (FT) yazır.

Məlum olduğu kimi, əməliyyatın dəyəri təxminən 400 milyon dollardır. Qəzetin məlumatına görə, Sony Music müqaviləyə əsasən qrupun adı ilə mal və suvenirlər sata, həmçinin serial və filmlər çəkə biləcək.

Məqalədə deyilir ki, sövdələşmə qrup üzvləri arasında illərlə davam edən fikir ayrılığından sonra baş verib.

Financial Times daha əvvəl rok qrupunun öz musiqi kataloqunun hüquqlarını Sony Music-ə təxminən 500 milyon dollara satmaq planları haqqında məlumat vermişdi. Nəşr qeyd edib ki, sövdələşmə musiqi sənayesində ən çox gözlənilənlərdən biridir. Qeyd etmək lazımdır ki, sövdələşmə 2022-ci ildə həyata keçirilmədi, baxmayaraq ki, o zaman Hipgnosis, Warner Music və BMG-ni cəlb etdi.