MAQATE rəhbəri tezliklə İrana səfər etməyi planlaşdırır — ÖZƏL
Olaylar.az xəbər verir ki, Beynəlxalq Atom Enerjisi Agentliyinin (MAQATE) baş direktoru Rafael Qrossi İranın nüvə proqramı ilə bağlı Qərb və Tehran arasında danışıqlara zəmin yaratmaq məqsədilə yaxın həftələrdə İrana səfər etmək niyyətindədir.
Qrossi "gördüyüm şey bizimlə daha mənalı şəkildə yenidən əlaqə qurmaq istəyidir" dedi.
O vurğulayıb ki, İranın fəaliyyəti haqqında daha çox məlumat əldə etmək üçün potensial danışıqlara hazırlığa indidən başlamaq lazımdır. MAQATE rəhbəri həmçinin əlavə edib ki, o, oktyabrda İrana səfər etməyə ümid edir.
Bundan əvvəl İranın xarici işlər naziri Abbas Əraqçi bildirmişdi ki, İran prezidenti Məsud Pezeşkianın başçılıq etdiyi nümayəndə heyəti BMT-nin 79-cu sessiyası çərçivəsində Tehranın nüvə proqramı üzrə Birgə Hərtərəfli Fəaliyyət Planı (JCPOA) üzrə danışıqların yeni mərhələsinə başlamağa çalışacaq.