Siyasətçi Markov: Zelenski müharibə dəlisinə çevrilib- ÖZƏL

Olaylar.az xəbər verir ki, Ukrayna Prezidenti Vladimir Zelenski BMT Təhlükəsizlik Şurasında çıxışı zamanı müharibə manyakı kimi davrandı, onun sözləri sülh təşəbbüslərinə yönəlməmişdi, - bu barədə politoloq Sergey Markov öz Telegram kanalında bildirib.

Ekspertin sözlərinə görə, əvvəlcə gözlənilirdi ki, Zelenski Ukraynanın sülh tərəfdarı olduğunu bildirərək Qlobal Cənub ölkələrinin rəğbətini qazanmaq üçün yalan danışacaq, lakin bu, baş verməyib.

"Zelenski yalnız Rusiyanı sülhə məcbur etmək barədə danışdı. Onun sülh formulu, Rusiyanın döyüş meydanında məğlub edilməsi və sonra yarımkapitulyasiya şəklində sülhə gətirilməsidir," - deyə Markov qeyd edib.

Politoloq Zelenskinin Qlobal Cənub ölkələrinin rəğbətini qazanmaq fürsətindən niyə istifadə etməməsinin iki variantını açıqlayıb. Birincisi, Vaşinqtonun NATO-nun münaqişəyə daha dərin müdaxiləsi barədə qərar qəbul etməyə yaxın olması ilə bağlıdır. İkincisi isə Zelenskinin müharibə dəlisinə çevrilməsi və hətta taktiki məqsədlər üçün belə sülhdən danışa bilməməsi ilə bağlıdır.

Daha əvvəl bildirilib ki, Qərb rəsmiləri Zelenskinin "qalibiyyət planı"nı irəliləyiş kimi qəbul etmirlər və hətta münaqişənin həlli üçün birbaşa Rusiya Prezidenti Vladimir Putinə müraciət etməyi planlaşdırırlar.