Zelenski, Ukrayna münaqişəsinin sona yetməsinin yaxın olduğunu bildirib- ÖZƏL

Olaylar.az xəbər verir ki, Ukrayna Prezidenti Vladimir Zelenski, ABŞ-da olduğu müddətdə ABC News-a verdiyi müsahibədə, Ukrayna münaqişəsinin sona çatmasının bir çoxlarının düşündüyündən daha yaxın olduğunu bildirib. O, "Biz sülhə düşündüyümüzdən daha yaxınıq" deyərək müttəfiqlərini Ukraynanı dəstəkləməyə çağırıb.

Zelenski, Amerikanın Nailiyyətlər Akademiyasının mükafatlandırma mərasimində iştirak edərək, münaqişənin nəticəsinin yaxın aylarda müəyyənləşdirilə biləcəyini vurğulayıb. O, həmçinin, "sülh planı"nı ABŞ rəsmilərinə təqdim edəcəyini açıqlayıb. Rusiyalı qanunvericilər isə Zelenskinin planını "təhlükəli bir avantür" olaraq qiymətləndirib və bunun münaqişənin gərginləşməsinə səbəb ola biləcəyini bildiriblər.