Birtərəfli sanksiyalar davamlı inkişaf məqsədlərinə mane olur - ÖZƏL

Olaylar.az TASS-a istinadən xəbər verir ki, İran prezidenti Məsud Pezeşkian deyib ki, birtərəfli sanksiyalar Dayanıqlı İnkişaf Məqsədlərinə nail olmağa mane olur və BMT-nin ətraflı araşdırmasının mövzusu olmalıdır.
"Birtərəfli sanksiyalar Dayanıqlı İnkişaf Məqsədlərinə nail olmaqda irəliləyişə mane olur və istənilən gələcək sənəddə nəzərə alınmalıdır" - o, Birləşmiş Millətlər Təşkilatının mənzil-qərargahında keçirilən "Gələcəyin Sammiti: Daha Yaxşı Sabah üçün Çoxtərəfli Həllər" mövzusunda çıxış edərkən deyib. 

İran prezidenti "BMT rəhbərini birtərəfli sanksiyaların təsirinə məruz qalan ölkələrlə əməkdaşlıq edərək bu məsələ ilə bağlı Baş Assambleyaya geniş hesabat təqdim etməyə" çağırıb.
"Biz inkişaf etməkdə olan ölkələrin qərarların qəbulunda və normaların müəyyən edilməsində iştirakını təmin etmək üçün beynəlxalq maliyyə institutlarının idarəetmə strukturunda təcili islahatlara çağırırıq", - Pezeşkian əlavə edib.