HƏMAS-İsrail razılaşması Baydenin səlahiyyət müddəti başa çatmazdan əvvəl mümkün deyil - ÖZƏL

İsrail və Fələstinin radikal HƏMAS hərəkatı çətin ki, ABŞ-ın hazırkı prezidenti Co Baydenin müddəti başa çatana qədər atəşkəs sazişi bağlasınlar.

Olaylar.az xəbər verir ki, The Wall Street Journal (WSJ) qəzeti yüksək rütbəli ABŞ rəsmilərinə istinadən yazır.

"Heç bir sövdələşmə qaçılmaz deyil" - bir məmur deyib. 

"Mən bunun nə vaxtsa həyata keçiriləcəyinə əmin deyiləm."
Məlumata görə, tərəflər ABŞ-da keçiriləcək prezident seçkilərinə qədər "gözləmə rejimində"dirlər.
Qəzet həmçinin qeyd edib ki, birincisi, danışıqlarda iştirak edənlər HƏMAS tərəfindən bir israilli girovun azad edilməsi üçün İsrailin azad etməli olduğu fələstinli məhbusların nisbəti ilə bağlı razılığa gələ bilməyiblər. İkincisi, Livanda son silsilə gadget partlayışları və sonradan İsrailin hava hücumları Yaxın Şərqdə genişmiqyaslı müharibə ehtimalını artırdı və buna görə də HƏMAS ilə diplomatik əlaqələri çətinləşdirdi.