Şoyqu: Ukrayna Silahlı Qüvvələrinin Kursk AES-ə hücumları terrorizmin ən yüksək səviyyəsidir- ÖZƏL
Olaylar.az xəbər verir ki, Rusiya Federasiyasının Təhlükəsizlik Şurasının katibi Sergey Şoyqu "Rossiya-24" telekanalına verdiyi müsahibədə Ukraynanın Kursk Atom Elektrik Stansiyasına terror hücumu etməyə çalışmasını terrorizmin ən yüksək təzahürü adlandırıb.
"Çox vacib bir məqam var - bu, Kursk məsələsidir. Biz terrorçularla danışıqlar aparmamışıq və aparmayacağıq, çünki Ukrayna hakimiyyətinin nümayəndələri məhz terrorçulardır. Kursk Atom Elektrik Stansiyasına terror hücumu etməyə cəhd göstərmək - bu, terrorizmin ən yüksək səviyyəsidir", - deyə o vurğulayıb.
Daha əvvəl Ukrayna əsiri Mixail Şkoda bildirib ki, Ukrayna Silahlı Qüvvələrinin baş komandanı Aleksandr Sırski Kursk vilayətinə hücumdan əvvəl döyüşçülərə Kursk AES-ə partlayıcı qurğu yerləşdirməyi əmr edib.