Böyük Britaniyanın yeni müdafiə naziri Ukrayna ilə bağlı açıqlama verib- ÖZƏL

Böyük Britaniyanın yeni müdafiə naziri Con Healey Böyük Britaniyanın böyük hərbi problemlərlə üzləşdiyi bir vaxtda Ukraynanı dəstəkləməyi özünün "bir nömrəli prioriteti" adlandırıb. 

Olaylar.az xəbər verir ki, bu barədə "Politico" yazır.

Healey bildirib ki, o, müdafiə xərclərinin artırılması ilə bağlı öhdəliklərin yerinə yetiriləcəyinə, eləcə də Böyük Britaniya ordusunun avadanlığının təkmilləşdirilməsi üzrə uzunmüddətli planın hazırlanmasına dair qərarların qəbul ediləcəyinə "əmindir".

Bununla belə, müdafiə rəisi "son 14 ilin mirası düşündüyümüzdən də pisdir" deyə işarə edərək, "bunun bir gecədə baş verməyəcəyi" xəbərdarlığını etdi.