NATO sualtı kabellərin kəsiləcəyi təqdirdə kosmosa internet göndərməyi planlaşdırır- ÖZƏL

Olaylar.az xəbər verir ki, hücum və ya fəlakət nəticəsində sualtı kabellər vasitəsilə hərəkət edən internetin kəsilməsinin qarşısını almaq istəyən NATO gözünü kosmosa dikdi.

NATO rəqəmsal rabitə üçün həyati əhəmiyyət kəsb edən dənizaltı kabellərə hücum edildiyi təqdirdə daimi internet bağlantısı təmin etməyi hədəfləyən layihəni dəstəkləməyə başlayıb.

Amerika Birləşmiş Ştatları, İslandiya, İsveç və İsveçrədən olan tədqiqatçılar təxribat və ya təbii fəlakətlər zamanı interneti təhlükə altında olan dənizaltı kabellərdən peyk sistemlərinə problemsiz şəkildə dəyişdirə biləcək bir sistem hazırlamaq üçün birlikdə işləyirlər. Davam edən qlobal geosiyasi gərginliklər fonunda təqdim olunan ehtiyat sisteminin yaradılması təklifi hətta dənizaltı kabellər hər hansı səbəbdən sıradan çıxsa belə, fasiləsiz internet bağlantısı vəd edir.

Bloomberg-in istinad etdiyi sənədlərə görə, 32 üzv ölkədən ibarət NATO tədqiqat institutlarının əlavə dəstəyi ilə 2,5 milyon dollarlıq layihəyə təxminən 400 min avro ayırıb.

Hələ ictimaiyyətə açıqlanmayan bu təşəbbüs Rusiya və ya Çin kimi ölkələrin hərbi münaqişələr zamanı sualtı kabellərə hücum edərək rabitəni poza biləcəyi ilə bağlı narahatlıqlardan irəli gəlir. Kabellərin təqribən 10 trilyon dollarlıq gündəlik maliyyə əməliyyatlarını idarə etdiyi deyilir ki, bu da hücumun və ya uğursuzluğun göstərə biləcəyi böyük təsiri vurğulayır.