Türkiyədə İŞİD-lə əlaqədə şübhəli bilinən daha 41 nəfər saxlanılıb

Türkiyənin 12 vilayətində İŞİD terror təşkilatına qarşı genişmiqyaslı əməliyyat keçirilib.

Olaylar xəbər verir ki, bu barədə Türkiyənin daxili işlər naziri Ali Yerlikaya bildirib.

Məlumata əsasən, "BOZDOĞAN-34" kod adı altında keçirilən əməliyyat zamanı İŞİD-lə əlaqəsi olmaqda şübhəli bilinən 41 nəfər saxlanılıb.

Əməliyyat nəticəsində çox sayda silah-sursat və valyuta aşkarlanaraq müsadirə edilib.