Almaniyada BioNTech peyvəndinə qarşı ilk məhkəmə ləğv edilib - ÖZƏL

Olaylar.az xəbər verir ki, Almaniyada bir tibb işçisinin alman biotexnologiya şirkəti BioNTech-ə qarşı Hamburq Əyalət Məhkəməsində COVID-19 peyvəndinin yan təsirləri olduğu iddiası ilə açılan iddianın ilk məhkəməsi ləğv edilib. 

Alman mətbuatında yer alan xəbərə görə, məhkəmənin sözçüsü iddiaçının vəkilinin imtina tələbi ilə ilk iclasın ləğv edildiyini açıqlayıb. Xəbərdə bildirilib ki, işin vacibliyinə görə rədd cavabı vəsatətin hakim əvəzinə hakimlər kollegiyası tərəfindən həll edilməsi istənilib. Qeyd olunub ki, məhkəmə bir neçə gündən sonra bu vəsatətə baxacaq. Alman məxfilik qanununa əsasən anonimlik hüququndan istifadə edən tibb işçisi adından Rogert & Ulbrich hüquq firmasının qaldırdığı iddia bu gün Hamburq Əyalət Məhkəməsində başlamalı idi. Peyvənddən sonra bədənin yuxarı hissəsində ağrı, qol və ayaqlarda şişlik, yorğunluq, yuxu pozğunluğu və beyin dumanı kimi əlamətlərin ortaya çıxdığını iddia edən tibb işçisi peyvəndin vurduğu bədən xəsarətinə görə 150 min avro təzminat tələb edib. İddiaçı, həmçinin müəyyən edilməmiş maddi ziyana görə kompensasiya tələb edib. BioNTech isə iddiaları araşdırdıqdan sonra onları əsassız bilib və işə xitam verilməsini istəyib.