İddia: Cənubi Afrikada baş verən zəlzələ Türkiyə ilə bağlıdır - ÖZƏL

Olaylar.az xəbər verir ki, Cənubi Afrika geoloqu Dr. Gideon Groenewald bildirib ki, dünən baş verən Gauteng zəlzələsinin Türkiyədəkilərlə əlaqəli ola bilər.

Ötən gün Cənubi Afrika Respublikasında baş verən 5.0 bal gücündə zəlzələnin fevralın 6-da Türkiyədə Kahramanmaraş mərkəzli zəlzələlərlə əlaqəli ola biləcəyi irəli sürülüb. Cənubi Afrika geoloqu Dr. Gideon Groenewald SABC televiziyasına verdiyi açıqlamada bildirib ki, bu, Yohannesburq şəhərində son 6 ildə ilk belə zəlzələdir. Yadda saxlamalıyıq ki, yer qabığındakı lövhələr hərəkət edir. "Düşünürəm ki, bu zəlzələ böyük ehtimalla Türkiyədə baş verən çox ciddi zəlzələlərlə bağlıdır. Afrika qabığının  həmin qabıqla əlaqəsi var və yəqin ki, həmin zəlzələyə görə indi bir az reaksiya verib".

Ötən gün Gauteng əyalətində 5 bal gücündə zəlzələ baş verib. ABŞ Geoloji Xidməti (USGS) Türkiyə vaxtı ilə saat 03:00 radələrində baş verən 5,0 bal gücündə zəlzələnin episentrinin Alberton şəhəri olduğunu açıqlayıb. Zəlzələdə can və mal itkisi olmayıb.