"Həmin itkilər olmasaydı, onlar bütün potensiallarını başqa cəbhə xəttində istifadə edə bilərdilər"

Baxmut bizə kiçik qüvvələrimizlə orada daha böyük düşmən qüvvələrinin qarşısını almağa imkan verir, eyni zamanda onun hücum resurslarını və potensialını darmadağın edir.

Olaylar.az axar.az-a istinadən xəbər verir ki, bunu Ukrayna müdafiə naziri Aleksey Reznikov deyib.

"Bu, bütün əməliyyat teatrı kontekstində çox vacibdir. Ruslar altı aydan çoxdur ki, orada "sürünən hücum" taktikasından istifadə edir və orada böyük itkilər verirlər. Bu o deməkdir ki, həmin itkilər olmasaydı, onlar bütün potensiallarını başqa müdafiə və ya cəbhə xəttində bizə qarşı istifadə edə bilərdilər", - nazir söyləyib.