Narkotikdən hazırlanmış bəzək əşyaları aşkarlandı - ÖZƏL

Beynəlxalq narkotacirlərə qarşı geniş miqyaslı əməliyyatlar həyata keçirildikcə, qarşı tərəf də öz növbəsində fəaliyyətlərində daha "müasir" metodlardan istifadə edirlər. Belə ki, narkotacirlər narkotik maddələrdən bəzək əşyaları düzəltməklə gömrük nəzarət buraxılış məntəqələrindən keçirməyə cəhd edirlər. "OLAYLAR" trthaber-ə istinadən bildirir ki, 

İstanbul Hava Limanında Gömrük Mühafizə qrupları tərəfindən həyata keçirilən əməliyyatda narkotikdən hazırlanmış bəzək əşyaları ələ keçirilib. Detektor itlərinin reaksiyası ilə açılan postda 2 ornament olduğu görülüb. Qutuda başqa heç nə olmadığına və itlərin reaksiyasına əsaslanaraq, əşyaların tərkibində narkotik maddə olma ehtimalı nəzərdən keçirilib və ornamentlər sınaqdan keçirilib.

Aparılan təhlillər nəticəsində malların materiallarında metamfetamin tipli narkotik vasitələrdən istifadə olunduğu müəyyən edilib.

Ornamentə oxşayan metamfetaminin 6 kilo 450 qram olduğu müəyyən edilib.