Ümumdünya Səhiyyə Təşkilatı 75 yaşını qeyd edir ÖZƏL

Olaylar.az  xəbər  verir ki, Ümumdünya Səhiyyə Təşkilatı (WHO) 1948-ci il aprelin 7-də yaradılıb. Buna görə də hər il bu gün Ümumdünya Səhiyyə Günü kimi qeyd olunur. 

Hazırda Təşkilatın 200-dək üzvü var. Azərbaycan da müstəqilliyini bərpa etdikdən sonra  1994-cü ildən həmin təşkilata üzv qəbul edilib. Təşkilatın əsas məqsədi bütün dünya xalqlarının sağlamlığını yüksək səviyyəyə qaldırmaqdır. Qeyd  edək  ki, Azərbaycan  prezidenti İlham  Əliyev  bu  münasibətlə  paylaşım  edib.Paylaşımda  deyilir: 

"Ümumdünya Səhiyyə Təşkilatının baş direktoru Tedros Qebreyesusun fəaliyyətini yüksək qiymətləndiririk. Azərbaycan təşkilatla səmərəli əməkdaşlığı bundan sonra da davam etdirəcək."

Paylaşımda qeyd edilib ki, Ümumdünya Səhiyyə Təşkilatı özünün 75 illiyini qeyd edir. Azərbaycan hər kəsin sağlamlığının təmin edilməsinə dair BMT-nin 3-cü Dayanıqlı İnkişaf Məqsədinin icrasına mühüm əhəmiyyət verir və bununla bağlı milli səviyyədə ardıcıl və məqsədyönlü fəaliyyət həyata keçirir: "Azərbaycanın sədrlik etdiyi Qoşulmama Hərəkatı Ümumdünya Səhiyyə Təşkilatının dəstəyi ilə COVID-19 pandemiyası ilə mübarizədə qlobal liderlik nümayiş etdirmişdir. Ümumdünya Səhiyyə Təşkilatının baş direktoru Tedros Qebreyesusun fəaliyyətini yüksək qiymətləndiririk. Azərbaycan təşkilatla səmərəli əməkdaşlığı bundan sonra da davam etdirəcək".