Almaniyada əcnəbilər üçün əmək qanunu qəbul edildi- ÖZƏL

Olaylar.az xəbər verir ki, Almaniya, 2030-cu ilə qədər artacaq işçi çatışmazlığını aradan qaldırmaq üçün xarici işçilərə qapıları açmaq qərarını qüvvəyə mindirir. Hökumət fəhlələrin işə qəbulu haqqında qanun layihəsini hazırlayıb parlamentə təqdim edib. Nazirlər Şurasının təsdiq etdiyi qanun layihəsinə görə, "ixtisaslı işçi qüvvəsinə" viza və işləmək hüququ veriləcək. Nazirlər Şurasının 29 mart 2023-cü il tarixli "Bacarıqlı işçilərin işə qəbulu haqqında qanun" adlı qanun layihəsi ilk növbədə 2022-ci ildə təxminən 2 milyon "ixtisaslı və ya ixtisassız kadr" çatışmazlığını aradan qaldırmağı hədəfləyir. İşçi çatışmazlığının  daha da artmaması üçün qısa müddətdə işçi qəbuluna başlanması hədəflənir. 1960-cı illərdə olduğu kimi bu qanundan da minlərlə əcnəbinin faydalanacağı gözlənilir. Almaniyada qohumları və ya əlaqələri olanlar Almaniyaya getmək hüququnu daha tez əldə edəcəklər.