ABŞ-dan Fransaya "zorakılıqdan istifadə etmək düzgün deyil"- ÖZƏL

Olaylar.az xəbər verir ki, ABŞ Dövlət Departamentinin sözçünün müavini Vedant Patel, Fransada pensiya islahatına qarşı nümayişləri şərh etməyəcəyini, çünki bu, Fransanın daxili işləridir, lakin etirazlardakı zorakı hərəkətləri bəyənmədiklərini söylədi. Patel gündəlik mətbuat konfransında jurnalistlərin gündəmlə bağlı suallarını cavablandırıb. Fransada pensiya yaşının 62-dən 64-ə qaldırılmasını ehtiva edən islahat əleyhinə davam edən etirazlar barədə suala Patel belə deyib: "İlk növbədə, biz hər kəsin dinc etiraz və özünü ifadə etmək hüququna hörmət edirik, təbii ki, geniş mənada, lakin mən deyə bilərəm ki, zorakılıq aktlarına əl atmaq heç vaxt uyğun deyil. Ümumiyyətlə, bu, Fransanın daxili işidir. və mən bunu şərh etməyəcəm. Amma Fransa mühüm tərəfdaşdır və ən qədimi müttəfiqlərimizdən biridir. Biz onlarla müttəfiqliyimizi ən yüksək qiymətləndiririk və ortaq dəyərlər üzərində onlarla uzun bir tarixi paylaşırıq". Rusiya Yeni START Müqaviləsi çərçivəsində məlumatları ABŞ ilə paylaşmayacaq Patel, Rusiyanın Yeni Strateji Silahların Azaldılması Müqaviləsi (START) çərçivəsində ABŞ-la nüvə fəaliyyətləri ilə bağlı məlumatları paylaşmayacağına dair daha əvvəl mediada yayılan məlumatı təsdiqləyib. Razılaşmaya əsasən, Rusiya və ABŞ-ın ildə iki dəfə nüvə fəaliyyətləri ilə bağlı geniş məlumat bazasını qarşılıqlı olaraq paylaşdıqlarını ifadə edən Patel, "Təəssüf ki, Rusiya müqavilədən çıxdığı səbəbiylə bu məlumatları verməyəcəyini ABŞ-a bildirdi" deyib.