Macarıstandan İsveçə NATO xəbərdarlığı- ÖZƏL

Olaylar.az xəbər verir ki, Macarıstan hökumətinin sözçüsü bildirib ki, İsveçin Macarıstanı tənqid etməsi iki ölkə arasında problemlər yaradıb və bu səbəbdən Macarıstanın İsveçin NATO-ya üzvlüyünü təsdiqləməsi gecikə bilər. Mətbuat katibi bu barədə Tvitter hesabında məlumat verib. "İsveçin NATO-ya qəbulu, davam edən şikayətlər, o cümlədən diplomatik ittihamlar, qayğı və hörmət olmaması ilə bağlı narahatlığımızı dilə gətirdiyimiz üçün  problemlərlə üzləşirik. Boşluğu aradan qaldırmaq hər iki tərəfdən ciddi səylər tələb edəcək" deyə Zoltan Kovacs vurğulayıb. Aylarla davam edən etirazlardan sonra Macarıstan parlamenti bazar ertəsi Finlandiyanın NATO üzvlüyünü təsdiq edən qanunu qəbul edib. İsveçin NATO-ya üzvlüyü ilə bağlı qanun layihəsi parlamentdə gözlənilir. İsveç və Finlandiya ötən il Rusiyanın Ukraynaya müdaxiləsindən sonra NATO-ya üzv olmaq üçün müraciət etmişdilər. İki ölkənin NATO-ya üzv olması üçün Macarıstan və Türkiyənin razılığı lazımdır.