ABŞ Qara dənizə yenidən pilotsuz təyyarə göndərib - ÖZƏL

Olaylar.az xəbər verir ki, Amerikanın MQ-9 Reaper pilotsuz təyyarəsi Qara dənizdə qəzaya uğradıqdan sonra ABŞ qəza yerinə daha bir pilotsuz təyyarə göndərib. Bu barədə CNN mənbələrə istinadən məlumat yayıb .

Onların sözlərinə görə,  Pentaqon insidentin təhqiqatı başa çatana qədər Qara dəniz üzərində pilotsuz təyyarələrin uçuşlarını tamamilə dayandırmaq niyyətində deyil.

Mənbələr bildiriblər ki, ikinci pilotsuz təyyarə fövqəladə vəziyyətin baş verdiyi əraziyə baxış keçirməli, həmçinin Rusiya hərbçilərini və onların İHA qalıqlarını dibdən çıxarmaq cəhdlərini izləməli idi.

Bunun fonunda, CNN-in məlumatına görə, ABŞ Müdafiə Nazirliyi Qara dəniz regionunda kəşfiyyat məlumatlarının potensial dəyərini Rusiya ilə gərginliyin artması riski ilə müqayisə edərək bu cür missiyaların xərclərini və faydalarını təhlil etmək niyyətindədir  . Mənbələr həmçinin bildiriblər ki, ABŞ ordusu yaxın günlərdə Qara dəniz üzərində daha bir pilotsuz təyyarə buraxmağı düşünür.

Martın 15-də Pentaqon Rusiyanın Su-27 qırıcılarının Qara dəniz üzərində səmada Amerikaya məxsus MQ-9 Reaper İHA-nın qarşısını aldığını və onlardan birinin onu qanadla vuraraq pərvanəni zədələdiyini açıqlayıb . Nəticədə onu amerikalıların özləri batmağa məcbur etməli olublar.