Dünyada kokain istehsalı rekord səviyyəyə çatıb- ÖZƏL

Yeni bir hesabata görə, qlobal kokain istehsalı, koronavirusdan sonra tələbat artdıqca rekord həddə çatıb. BMT-nin Narkotiklər və Cinayətkarlıqla Mübarizə İdarəsi bildirib ki, 2021-2022-ci illər arasında koka becərilməsi 35 faiz artaraq rekord səviyyəyə çatıb. Dəlillər göstərir ki, Qərbi və Mərkəzi Afrikada qaçaqmalçılıq üçün yeni mərkəzlər yaranır. Hesabatda həmçinin qeyd olunur ki, qaçaqmalçılar narkotikləri istehlakçılara çatdırmaq üçün beynəlxalq poçt xidmətlərindən daha tez-tez istifadə edirlər. Avropa və Şimali Amerika ən böyük kokain bazarıdır, ondan sonra Cənubi və Mərkəzi Amerika və Karib hövzəsi gəlir. Hesabatda Afrika və Asiyada bazarların hələ də məhdud olduğu bildirilsə də, BMT-dən Ghada Waly bazarın genişlənmə potensialının təhlükəli bir reallıq olduğunu söyləyib. Kokain Qlobal Hesabatı istehsalın artımının koka ağaclarının əkilməsi sahəsində genişlənmənin, eləcə də kokanın toz kokainə çevrilməsinin təkmilləşdirilməsinin nəticəsi olduğunu bildirib.