Fransa və İngiltərənin birgə təlimi lağ mövzusuna çevrildi- ÖZƏL

Olaylar.az xəbər verir ki, Fevralın 25-də Fransada başlayan və NATO müttəfiqlərinin iştirakı ilə ikinci mərhələsi həyata keçirilən Orion23 döyüş təliminin şəhərin mərkəzindəki hissəsi sosial mediada lağ mövzusu olub. Twitter-də yayımlanan videolarda 300-ə yaxın fransız və ingilis əsgərinin cənubdakı Cahors şəhərində piyadalar və avtomobil keçidləri arasında döyüş səhnələrini canlandırdığı əks olunub. Maraqlıdır ki, şəhər sakinləri küçənin ortasında forma geyinərək irəliləyən, mövqelər açıb əllərindəki boşluqları atəşə tutan əsgərlərin lülələrinin, guya düşmənə uzatdıqları lülələrin yanından keçirlər. Sosial mediada yayılan görüntülərdə yaşıl işıq yandığı üçün yoluna davam etmək istəyən, yolun ortasında uzanmış əsgərlərin arxasında gözləyən vasitə ilə bağlı çoxlu zarafatlar edilib. 

Bu səhnəyə görə bir istifadəçi "Bəs bu əsgərləri kim qoruyacaq?" başqa bir istifadəçi isə "Onların nəqliyyat axını kəsməyi unutması normaldırmı?" şərhini yazıb. Bir çox istifadəçi də şəkilləri "gerçəkdən çox kompüter oyununa bənzəyir" kimi qiymətləndirib.