Argentinada 3 min hektar ərazi kül olub- ÖZƏL

Olaylar.az xəbər verir ki, Argentina mətbuatında yer alan xəbərə görə, Korrientes vilayətinin şimalında başlayan meşə yanğınlarının söndürülməsi üçün işlər davam edir. Argentinanın Mülki Müdafiə və Fövqəladə Əməliyyatlar Komandanlığının (COE) direktor müavini Bruno Lovinson, yanğının hələ nəzarət altına alına bilmədiyini ifadə edərək, "Yanğın çox geniş bir ərazidə təsirlidir və iş o vaxtdan bəri fasiləsiz olaraq davam edir" deyib. İşə 150-dən çox yanğınsöndürən, hərbi hissə və Milli Yanğın İdarəetmə Xidmətinin (SNMF) iki təyyarəsi və hərbçilərdən bir helikopter dəstək verir. Milli Meteorologiya Xidməti (SMN) güclü isti dalğasının öz təsirini göstərməyə davam edəcəyini qeyd edərək, yeni meşə yanğınlarına qarşı xəbərdarlıq edib.