Bodrum sahillərində immiqrant gəmisi batıb- ÖZƏL

Olaylar.az xəbər verir ki, Bodrumdan 7 mil məsafədə yerləşən Kos (Kos) adasına keçməyə çalışan immiqrantları daşıyan 7 metrlik polyester sürətli qayıq həddindən artıq yüklənmə və fırtına səbəbindən adaya yarım mil qalmış batıb. Balıqçılar məlumat verdikdən sonra Yunanıstan sahil mühafizəsi və Frontex qrupları hadisə yerinə gedib. Dənizə düşüb, qayığa yapışaraq üzərinə çıxan 27 immiqrant xilas edilərək adaya aparılıb.  Alabora olan qayıqdakı ümumi immiqrant sayının 40-ı keçdiyi, bölgəyə göndərilən vertolyot və sahil təhlükəsizlik qruplarının itkin miqrantların tapılması üçün axtarış-xilasetmə işlərinə davam etdiyi öyrənilib. Xilas edilən mühacirlərdən bəzilərinin Kos adasındakı xəstəxanaya aparıldığı bildirilib.