Avropa qitəsində sülh erası başa çatır?- ÖZƏL

Olaylar.az xəbər verir ki, Ukrayna-Rusiya müharibəsində Kiyevə hərbi dəstək verən Avropa müharibəyə hazırlıq planı hazırlayıb. Avropa Komissiyasının 3 mərhələli planına uyğun olaraq, sursat həm Ukraynada, həm də bütün qitədə saxlanılır. Mütəxəssislər Avropada sülhün sona çatdığını deyir. Ukrayna NATO standartlarına uyğun daha çox sursatla təmin olunacaq. Avropa ölkələri də öz silah ehtiyatlarını yeniləyəcək. Qitənin sursat istehsal gücü artacaq. Rusiyanın açdığı müharibədə Ukraynaya dəstək verən Avropa yeni müdafiə planı üçün qollarını suvadı.

Avropa sursat tutumunu artırır.  Alman Der Spiegel yazıb ki, Avropa Komissiyası Avropada sursat istehsalını artırmaq üçün plan hazırlayıb. 3 fazalı planın birinci məqsədi təcili olaraq Ukraynaya daha çox sursat tədarük etməkdir. İkinci mərhələdə isə Aİ ölkələrinin azalan ehtiyatlarının artırılması hədəflənir. Planın yekun mərhələsi uzunmüddətli perspektivdə Avropanın sursat istehsal gücünün artırılmasını nəzərdə tutur. Qitədə sülh erası bitdimi? Avropa müdafiə sənayesinin ayda 20-25 min mərmi istehsal etmək qabiliyyətini 7 dəfə artırmaq planlaşdırılır. Ekspertlər Avropa Komissiyasının bu addımını qitədə sülhün bitdiyinə işarə kimi qiymətləndirirlər. Planın bu ayın sonunda liderlərin sammitində müzakirə ediləcəyi gözlənilir.