AB anbarlarındakı ehtiyatlarını artırmağı planlaşdırır

Avropa Komissiyası bu ilin yazında Ukraynaya yardım üçün sursat istehsalını artırmaq planlarını açıqlayıb.

Olaylar.az axar.az-a istinadən xəbər verir ki, bu barədə "Şpiqel" nəşri məlumat yayıb.

Məlumata görə, təşkilat həmçinin AB anbarlarındakı ehtiyatlarını artırmağı planlaşdırır:

"Gözlənilir ki, AB rəhbəri Ursula fon der Leyen Ukraynaya hərbi yardım planı çərçivəsində martın 2-si müvafiq təşəbbüsü AB üzvlərinə təqdim edəcək".

Sənədin üç komponentdən ibarət olduğu qeyd olunub:

Birinci vacib aspekt Ukraynaya 155 mm-lik artilleriya mərmilərinin istehsalı və tədarükünün artırılmasıdır - AB xərcləri Avropa Sülh Fondu (APF) hesabına ödəməyi planlaşdırır.

İkinci komponent Avropa Müdafiə Agentliyi EDA ilə əməkdaşlıq çərçivəsində AB-nin öz 155 mm-lik mərmi ehtiyatının təmin edilməsini nəzərdə tutur.

Üçüncü komponent regionda mövcud təhlükəsizlik vəziyyətindən asılı olaraq tənzimlənəcək Avropa sursat istehsal potensialının uzunmüddətli formalaşmasını müəyyənləşdirir.