Rusiya mühüm tanklarının yarısını itirib- ÖZƏL

Olaylar.az xəbər verir ki, Böyük Britaniyada yerləşən Beynəlxalq Strateji Araşdırmalar İnstitutu (IISS) analitik mərkəzi Rusiyanın müharibədə mühüm tanklarının demək olar ki, yarısını itirdiyini iddia edib.

Qurumun dron və peyk görüntüləri əsasında topladığı məlumatlara görə, müharibənin başladığı 24 fevraldan noyabrın sonuna qədər olan dövrdə Kreml ordusunun əlindəki tankların sayı 2 min 927-dən 1800-ə enib. . Bu, təxminən 38 faiz itkiyə bərabərdir. 

Rus qoşunlarının müharibədən əvvəl T-72B3, T-72B3M və T-80 kimi mühüm tank modellərinin demək olar ki, yarısını itirdiyi də irəli sürülüb. IISS-in rəhbəri Con Çipman Rusiyanın müharibədə "hərbi və siyasi uğursuzluq nümayiş etdirdiyini" müdafiə edərək, bu itkilər və sənaye istehsalının yavaşlaması səbəbindən Kremlin bu boşluğu doldurmaq üçün köhnəlmiş silah və avadanlıqlardan istifadə etməli olduğunu iddia edib.