Suriyada intiharçı qadınlar özlərini partladıb: ölən və yaralanan var

Suriyanın Əl-Baquz yaşayış məntəqəsində üç intiharçı qadın özünü partladıb.

Trend-in məlumatına görə, bunu "Reuters" agentliyi "Suriya Demokratik Qüvvələri"nin silahlı birləşmələrinin nümayəndələrinə istinadən bildirib.

Qeyd olunur ki, terror aktı SDQ-nin təqdim etdiyi təhlükəsiz dəhlizlə Əl-Baquzu tərk edən dinc sakinlər və təslim olan terrorçuların toplanma məntəqəsində törədilib.

İlkin məlumatlara əsasən, hadisə nəticəsində ölən və yaralanan var.