Almaniyanın ZDF telekanalı Ermənistanı ifşa etdi - YOXSULLUQ VƏ SƏFİLLİK
Almaniyanın ictimai televiziyası olan ZDF müasir Ermənistann ağır vəziyyəti və mövcud reallığı barədə reportaj hazırlayıb. "Soyqırımı, Dağlıq Qarabağ müharibəsi - insanlar bu kimi mövzuları Ermənistanla əlaqələndirirlər. Lakin gündəlik həyat bu cürdür: korrupsiyalaşmış siyasilər, tam yoxsulluq. Gənclər kütləvi şəkildə ölkəni tərk edirlər"-deyə reportajda qeyd olunur.
Almaniyanın ictimai televiziyası olan ZDF müasir Ermənistann ağır vəziyyəti və mövcud reallığı barədə reportaj hazırlayıb. "Soyqırımı, Dağlıq Qarabağ müharibəsi - insanlar bu kimi mövzuları Ermənistanla əlaqələndirirlər. Lakin gündəlik həyat bu cürdür: korrupsiyalaşmış siyasilər, tam yoxsulluq. Gənclər kütləvi şəkildə ölkəni tərk edirlər"-deyə reportajda qeyd olunur. ZDF-in reportajında daha sonra bildirilir: "Bir müddət öncə aparılan araşdırmaların nəticələrinə görə, demək olar ki, erməni gənclərinin 2/3-ü minimum zaman kəsimində öz ölkəsini tərk etmək barədə fikirləşirlər. Onlar ölkələrinin siyasi, sosial və iqtisadi vəziyyətindən pəjmürdə olublar. Rəsmi statistikaya görə, ölkə əhalisinin 30%-i səfilliyin və yoxsulluğun ən ağır vəziyyətini yaşayırlar. Real rəqəmər isə çox yəqin ki, daha artıqdır".
"Transparency International"ın korrupsiya indeksi: "Ermənistan Efiopiya, Makedoniya, Vyetnamla birgə 107-ci yerdə qərarlaşıb"
"Transparency International"ın korrupsiya indeksinə görə, Ermənistan Efiopiya, Makedoniya, Vyetnamla birgə 107-ci yerdə qərarlaşıb. İqtisadiyyat bir neçə oliqarxın əlindədir: kimlər ki, hakim elitanın qohumu, yaxını deyilsə, biznes şansı demək olar ki, yoxdur. Bundan əlavə, ölkədəki məhkəmə sistemi asılı vəziyyətdədir - investorlar üçün öldürücü milksdir. Hər seçkilərdən sonra seçki saxtakarlıqları ətrafında ittihamlar səsləndirilir. Seçici siyahılarına kütləvi şəkildə ölmüş insanların adları daxil edilir. Sual: "Baba, əgər sən seçkilərə görə bilərəkdən dirilmisənsə, bu zaman nəyə görə bizi də ziyarət etmirsən?" -Ermənistanda ən çox səslənən seçki ifadələrindən biri də budur"-ZDF-in reportajında bildirilir.
SSRİ-nin süqutundan sonra Ermənistan 16-30 yaş arası milyondan çox insan itirib!
Sözügedən reportajda daha sonra qeyd olunur: "Nə qədər insanın ölkəni tərk etdiyini təxmin etmək olar: hökumət il ərzində 30-40 min insanı göstərir. Əsas kütlə Rusiyaya köçür. SSRİ-nin süqutundan sonra Ermənistan 16-30 yaş arası milyondan çox insan (əhalinin 3-dən biri!) itirib. Bununla yanaşı, ölkə öz gələcəyini də əldən verib".
"Mümkündür ki, bu kimi nəticə hakimiyyətin də əlinə oynayır - axı yaxşı təhsil almış gəncliyin simasında ölkə eyni zamanda potensial inqilabçıları da özündən uzaqlaşdırır"-deyə Almaniyanın ictimai televiziyasında qeyd olunur.
ZDF həmçinin, Ermənistanın geostrateji vəziyyətini "qorxulu yuxu" olaraq təsvir edir. Belə ki, bu, ölkənin Türkiyə və Azərbaycanla sərhədlərinin bağlı olması ilə əlaqləndirilir. Sia.az