Sosial

Baş Prokurorluq Sumqayıtda bir ailənin məhvi ilə nəticələnən hadisə barədə məlumat yayıb

5 Mart 2018 12:17

Respublikası Baş Prokurorluğu Sumqayıtda 6 nəfərin ölümü ilə nəticələnən hadisə barədə məlumat yayıb. Baş Prokurorluğun mətbuat xidmətindən verilən məlumatda bildirilir ki, martın 4-də Sumqayıt şəhəri, 5-ci məhəllə, ev 18/11-in zirzəmisində, yaşayış yeri kimi istifadə olunan sahədə 1961-ci il təvəllüdlü Hüseynov Rafiq Kamal oğlunun, 1965-ci il təvəllüdlü Hüseynova Yeganə Yolçu qızının, 1987-ci il təvəllüdlü Hüseynova Sara Rafiq qızının, 2009-cu il təvəllüdlü Abbasov Fərid Qüdrət oğlunun, 2010-cu il təvəllüdlü Abbasova Zemfira Qüdrət qızının və 2012-ci il təvəllüdlü Abbasova Yeganə Qüdrət qızının meyitlərinin aşkar olunması barədə daxil olmuş məlumat əsasında dərhal hadisə yerinə və meyitlərə məhkəmə-tibb ekspertinin iştirakı ilə prokurorluq və polis əməkdaşları tərəfindən baxış keçirilərək maddi sübutlar götürülüb və digər zəruri prosessual hərəkətlər yerinə yetirilib.

Təhsil Nazirliyi: "Son 5 ildə yüksək nəticə göstərən şagirdlərin sayı artıb"

5 Mart 2018 12:04

Azərbaycanın oxu bacarığının inkişafı üzrə beynəlxalq tədqiqatın - PIRLS 2016 tədqiqatında iştirak edən 4-cü sinif şagirdlərinin nəticələri ictimaiyyətə təqdim olunub. Məlumata görə, bununla bağlı bu gün keçirilən təqdimatda çıxış edən Təhsil Nazirliyinin Təhsilin inkişafı proqramları şöbəsinin müdiri Emin Əmrullayev bildirib ki, “Progress in International Reading Literacy Study” (PIRLS) - Oxu bacarığının inkişafı üzrə beynəlxalq tədqiqatın nəticələrinə görə, azərbaycanlı şagirdlərin 2016-cı ildə oxu bacarıqları 2011-ci ilin müvafiq göstəricisi ilə müqayisədə 462 baldan 472 bala yüksəlib və ya 10 bal artıb.

Martın 11-də 27 şəhər və rayonda buraxılış imtahanı keçiriləcək  

5 Mart 2018 11:45

Martın 11-də Sumqayıt, Abşeron, Gəncə, Göygöl, Samux, Naftalan, Goranboy, Daşkəsən, Şəki, Oğuz, Qəbələ, Lənkəran, Astara, Biləsuvar, Ağsu, Zərdab, Şamaxı, Kürdəmir, Ağdam, Yevlax, Bərdə, Tərtər, İmişli, Saatlı, Sabirabad, Xaçmaz, Şabran rayonlarının ümumtəhsil müəssisələrinin məzunları üçün ümumi orta təhsil səviyyəsi üzrə (9-cu sinif) buraxılış imtahanının birinci mərhələsi keçiriləcək.

AzTU-da sabiq millət vəkili ilə görüş keçirilib

5 Mart 2018 11:17

Azərbaycan Texniki Universitetinin (AzTU) “Xüsusi texnika və texnalogiya” fakültəsinin tələbələri ilə əməkdar elm xadimi, tanınmış alim, ictimai xadim, professor Şahlar Əsgərovun görüşü keçirilib. 

Bakı-Tbilisi-Qars dəmir yolu YENƏ MÜZAKİRƏDƏ

5 Mart 2018 11:18

 İqtisadiyyat naziri, Tranzit Yükdaşımalar üzrə Koordinasiya Şurasının sədri Şahin Mustafayevin rəhbərlik etdiyi nümayəndə heyəti Qarsda səfərdədir. “Azərbaycan Dəmir Yolları” QSC-nin ictimaiyyətlə əlaqələr şöbəsindən “OLAYLAR”-a bildirilib ki, Azərbaycan nümayəndə heyəti əvvəlcə ümummilli lider Heydər Əliyevin abidəsini ziyarət edib, abidə önünə əklil qoyublar.

Azərbaycan mətbəxi və mədəniyyəti Abu Dabidə

5 Mart 2018 11:13

Abu Dabidə yerləşən ən çoxmillətli məktəb olan “Gems American Academy” təhsil kompleksində keçirilmiş “Beynəlxalq Mədəniyyət Günü” tədbirində Azərbaycan stendlə təmsil olunub. Azərbaycanın BƏƏ-dəki səfirliyindən “OLAYLAR”-a bildirilib ki, tədbir çərçivəsində Azərbaycan səfirinin xanımı Ülviyyə Şikarova və BƏƏ-dəki Azərbaycan icması tərəfindən birgə təşkil edilmiş Azərbaycan stendində yerləşdirilmiş mədəniyyət və turizm imkanlarına dair materiallar, suvenirlər, xalçalar, şəkillər, milli geyimlər, milli kulinariyamızın dolma, aş, qutab, şəkərbura, paxlava, külçə, şəkərçörəyi kimi nümunələri, həmçinin Azərbaycan milli incəsənətinin incisi olan kəlağayılar tədbir iştirakçılarına paylanılıb. Azərbaycan stendində həmçinin Azərsun şirkətinin istehsalı olan təbii meyvə şirələri də iştirakçılara təqdim olunub.

Yanğında ölənlərin ailələrinə nə qədər yardım ediləcək?

5 Mart 2018 10:31

Mərkəzdə olan xəstələrlə və dünyasını dəyişən insanlarla bağlı araşdırılmalar bir həftə ərzində başa çatdırılacaq. Onların ailələrinə veriləcək ilkin yardımın məbləği, təqaüdün təyin olunması məsələləri isə Əmək və Əhalinin Sosial Müdafiəsi Nazirliyi tərəfindən müəyyənləşdirilir. Bu sözləri Abid Şərifov Narkoloji Mərkəzdə baş verən yanğınla bağlı açıqlamasında deyib. O bildirib ki, Azərbaycan qanunvericiliyinə əsasən, yanğın və digər fövqəladə hallar səbəbindən həlak olanların ailələrinə yetkinlik yaşına çatmayan övladları da nəzərə alınaraq birdəfəlik yardım və ya təqaüdlərin verilməsi məsələsinə baxılır:

Səyyar ASAN xidmət yeni məntəqələrdə

5 Mart 2018 10:22

Səyyar ASAN xidmət 5-17 mart tarixində Oğuzda, 5-19 mart tarixində Xırdalan, Saatlı, Naftalan, Siyəzən, Cəlilabad, Ucar və Salyanda vətəndaşlara səyyar formada xidmət göstərəcək. Bundan başqa, səyyar avtobuslar 28 fevral – 19 mart tarixində Beyləqanda, 3-17 mart tarixində Sabunçu rayonunun Maştağa qəsəbəsində vətəndaşların xidmətində olacaq.