50 tələbə təcrübə qazanmaq üçün İsrailə gedəcək - Nazir

Azərbaycandan 50 tələbə kənd təsərrüfatı sahəsində təcrübə qazanmaq üçün bu ilin sentyabr ayında İsrailə gedəcək. "Olaylar"ın məlumatına görə, bunu kənd təsərrüfatı naziri İnam Kərimov Bakı Ekspo Mərkəzində 15-ci "Caspian Agro" beynəlxalq kənd təsərrüfatı sərgisi və 27-ci "InterFood Azerbaijan" beynəlxalq qida sənayesi sərgisində jurnalistlərə deyib. Nazir bildirib ki, israilli həmkarı ilə birlikdə həmin tələbələrlə görüşüb: "Hesab edirəm ki, bizim gənc mütəxəsislərimizin həm İsraildə, həm Türkiyədə və digər ölkələrdə öz təhsillərini davam etmələri və təcrübə qazanmaları aqrar sahənin inkişafına dəstək olacaq".