200 kiloqram leş əti aşkarlandı

Baş Dövlət Yol Polisi İdarəsi əməkdaşlarının keçirdikləri tədbirlərlə fevralın 27-də saat 6 radələrində Ağcabədi rayon sakini S.Niyazovun idarə etdiyi "Mercedes" markalı avtomobil Qaradağ rayonu ərazisində saxlanılıb. DİN-dən "Olaylar"a verilən məlumatda bildirilib ki, avtomobilə baxış zamanı oradan 200 kiloqram çəkidə mənşəyi məlum olmayan və qida üçün yararsız ət məhsulu aşkar edilib. S.Niyazov və sərnişini, qardaşı B.Niyazov saxlanılaraq Qaradağ Rayon Polis İdarəsinə təhvil veriliblər. Hazırda faktla bağlı araşdırma aparılır.