Mərdlikdən deyil!

Gur çeşmənin axar gözü bir olar,

İnsan övladının üzü bir olar.

Həm əməli, həm də sözü bir olar,

Deyib dəbbələmək  mərdlikdən deyil!

***

Cahillərin  sifətləri min olar,

Qəlbindəki küdurətli kin olar.

Şər deməklə arzuları çin olar,

Şərlə ləkələmək  mərdlikdən deyil!

***

Tanrını sevənlər nura qərq olar,

Kəc baxanın hər bir işi dərd olar.

Mərdi çox qovarsan  o, namərd olar,

Mərdi namərd etmək mərdlikdən deyil!

 Cəfər Cabbarlı ev-muzeyinin böyük elmi-işçisi,

                                                 jurnalist Əlibalayeva Gülnarə