Ermənistan omikron gərginliyi səbəbindən bir sıra ölkələrin girişini məhdudlaşdıracaq

Olaylar.az xəbər verir kİ, Ermənistan səhiyyə naziri Anahit Avanesyan bazar ertəsi jurnalistlərə bildirib ki, yeni omikron koronavirus ştammı səbəbindən bir sıra Cənubi Afrika ölkələri vətəndaşlarının ölkəyə girişini məhdudlaşdırmaq niyyətindədir.

"Yeni omikron koronavirus ştammı ilə əlaqədar olaraq biz Cənubi Afrika , Botsvana , Lesoto , Namibiya , Zimbabve , Mozambik , Madaqaskar və Tanzaniya vətəndaşlarının ölkəyə girişinə müvəqqəti məhdudiyyətlər tətbiq etmək niyyətindəyik ", - Avanesyan mətbuat konfransında deyib.

Onun sözlərinə görə, qərar koronavirusla mübarizə üzrə idarələrarası komissiyanın bazar ertəsi keçirilməsi planlaşdırılan iclasından sonra veriləcək. O əlavə edib ki, bəzi digər məhdudiyyətlər də tətbiq olunacaq.