İnsanları koronavirus yox, bu dərmanlar ÖLDÜRÜRMÜŞ - Həkim SİRLƏRİ AÇDI
Koronavirusa təsir edən konkret “Antiviral” preparat mövcud deyil
"Koronavirusa təsir edən konkret "Antiviral" preparat mövcud deyil. Halbuki protokollarda bir sıra dərmanlar yazılıb. O antiviral dərmanları protokollara yazan adamda yaxşı bilir ki, virusa təsir edən kankret dərman yoxdur".
Bu haqda infeksionist Vüqar Cavadzadə sosial media hesabından paylaşım edib:
Həkim-infeksionist Vüqar Cavadzadə
"Favipiravir", "Remdesivir" və digər preparatların koronavirusa təsiri elmi-tədqiqatlarla sübuta yetirilməyib. Bu preparatlar ev şəraitində necə gəldi yazılır. Hətta həkimin göstərişi olmadan xəstələr özləri alıb qəbul edirlər. İnsanların sanki, beyninə yeriyib ki, bu preparatları qəbul etsələr, sağalacaqlar. İxtisasından aslı olmayaraq bütün həkimlər bu dərmanları necə gəldi təyin edirlər. Çox sayda xəstələr var ki, bu preparatları qəbul etmədən sağalırlar".
Həkim-infeksionist qeyd edir ki, "Antiviral" preparatların olmayan xeyrindən çox, yan təsirləri həddən artıq çoxdur:
"Hələ dünyada sadə Herpes virusunu məhv edən dərman preparatı tapılmayıb, qalmışdı ki, koronavirusuna qarşı tapılsın. Bəlkə də zaman gələcək, sübut olunacaq ki, bu "Antiviral" preparatlar COVID-19-un müalicəsində düzgün tətbiq edilməyib, neçə-neçə xəstə koronavirusdan yox, bu preparatların toksiki təsirindən dünyasını dəyişib".