Bakıda dəhşətli hadisə: 1 yaşlı uşaq anasının qucağında öldü,ana yaralandı

Bakının Sabunçu rayonunda ölümlə nəticələnən yol qəzası baş verib.

Olaylar.az xəbər verir ki, hadisə Ramana qəsəbəsində baş verib.

Südçülük sovxozu ərazisində 1987-ci il təvəllüdlü Qasımova Sevda Rasim qızı və qucağında olan 1 yaşlı Yusifov Fərid Vəhab oğlunu "BMW" markalı nəqliyyat vasitəsi vurub.

Hadisə nəticəsində 1 yaşlı F.Yusifov ölüb.

Ağır xəsarət alan S.Qasımova isə xəstəxanaya yerləşdirilib.

Faktla bağlı Sabunçu Rayon Polis İdarəsində cinayət işi başlanılıb. APA